Nýleg fréttatilkynning og skýrsla Euro-Med Human Rights Monitor „Annað þjóðarmorð á bak við múra“ greinir frá niðurstöðum úttektar á meðferð Ísraels á Palestínumönnum og þær sýna aukningu á kerfisbundu ofbeldi í fangelsum og gæsluvarðhaldsstöðum þar sem gróft kynferðisofbeldi og nauðganir eru reglulega notaðar við pyntingar sem flestir ef ekki allir fangelsaðir Palestínumenn eru beittir sólarhringum saman.
Varúð! – Fréttatilkynningin og skýrslan innihalda mjög lýsandi dæmi um gróft kynferðisofbeldi og nauðganir sem reglulega er beitt við kerfisbundnar pyntingar á Palestínumönnum af hálfu Ísraelsmanna.
Kynferðisofbeldi gegn Palestínumönnum í ísraelskum fangelsum og gæsluvarðhaldsstöðvum er í reynd ríkisstefna, notuð sem tæki til kúgunar og tortímingar, með stigvaxandi aukningu og afnámi fyrri takmarkana frá 7. október 2023, samkvæmt skýrslu frá Euro-Med Human Rights Monitor.
Í skýrslunni er vitnað í beint kynferðisofbeldi, árásum með hlutum og pyntingar sem beinast að kynfærum, sem og skipulagðar aðferðir eins og kvikmyndatökur og viðveru margra öryggisstarfsmanna við árásir, sem styrkir sannanir um stofnanabundið og kerfisbundið eðli þessara glæpa.
Þessi brot skarast við fangelsisstefnu sem veldur alvarlegum, varanlegum líkamlegum og sálrænum skaða, þar á meðal meiðslum sem valda varanlegri örorku og í sumum tilfellum skerða æxlunargetu.
Skýrslan byggir aðallega á framburði palestínskra fyrrverandi fanga frá Gazaströndinni sem ísraelskir hermenn hafa sleppt undanfarnar vikur og mánuði og greina frá ýmsum aðferðum kerfisbundins kynferðisofbeldis.
Með aukningu á umfangi brotanna sýnir skýrslan að ísraelska réttarkerfið hefur ekki virkað sem árangursrík leið til að tryggja ábyrgð. Þess í stað hefur það sögulega og kerfisbundið verið notað til að tryggja refsileysi fyrir glæpi sem framdir eru gegn Palestínumönnum, sem í raun gerir dómskerfið að fyrstu varnarlínu fyrir brotum Ísraelsmanna og gerendum þeirra.
Byggt á skjalfestum staðreyndum og vitnisburði, greindum í ljósi alþjóðlegra mannúðarlaga, alþjóðlegra mannréttindalaga og alþjóðlegra refsilaga, er ljóst að kynferðisofbeldið og pyntingarnar sem ísraelsk stjórnvöld beita palestínska fanga og handtekna palestínumenn eru ekki tilviljunarkenndar eða einangraðar aðgerðir. Þær mynda kerfisbundið mynstur alvarlegra alþjóðlegra brota og glæpa sem uppfylla efnisleg og andleg skilyrði margra brota samkvæmt Rómarsamþykktinni um Alþjóðlega sakamáladómstólinn, Genfarsamningunum fjórum og öðrum viðeigandi alþjóðlegum skjölum.
Krækja í lauslega þýðingu á fréttatilkynningu Euro-Med Human Rights Monitor og útgefna skýrsluna: