Síonismi (einnig ritað Zíonismi (e. zionism)) er þjóðernishreyfing sem kom fram í Evrópu seint á 19. öld og miðaði að því að koma á fót og viðhalda sérstöku þjóðarheimili fyrir Gyðinga, sem stefnt var að með stofnun landnema-nýlenduveldis í Palestínu, svæðis sem samsvaraði nokkurn veginn landi Ísraels í gyðingdómi með skírskotun í biblíusögu Gyðinga. Síonisma óx fiskur um hrygg eftir útkomu bókar ungverska blaðamannsins Theodor Herzl, Gyðingaríkið, árið 1896. Síonistar vildu stofna gyðingaríki í Palestínu með eins miklu landi, eins mörgum Gyðingum og eins fáum palestínskum Aröbum og mögulegt var. Forvígismenn síonista gerðu sér fljótt grein fyrir því að ekki væri hægt að stofna Gyðingaríkið án þess að ræna landi og eigum frumbyggja Palestínu með grimmilegum þjóðernishreinsunum og tilheyrandi ofbeldi og fjöldamorðum. Hryðjuverkasveitir síonista hófu síðan þjóðernishreinsanirnar í lok árs 1947 sem endaði með því að um 750.000 frumbyggjar Palestínu voru hraktir á flótta og um 15.000 þeirra voru myrt, ásamt því að um 530 bæir og þorp voru lögð í eyði.
Heimild: Wikipedia
« Til baka í orðalista