Tilkynning frá Félaginu Ísland-Palestína um kröfugöngu 1. maí n.k. þar sem allir eru hvattir til að mæta með palestínska fána á lofti.
Fjölmennum í kröfugöngu 1. maí með palestínska fána á lofti!
Þó ráðafólk heimsins hafi brugðist palestínsku þjóðinni trekk í trekk síðustu ár, hefur verkafólk heimsins staðið þétt með Palestínu: Sem dæmi má nefna verkföll hafnarverkamanna á Ítalíu, Grikkland, Frakklandi í þeim tilgangi að stöðva vopnasendingar til Ísraels. Hér á landi stóðu heildarsamtök launafólks og verkalýðsfélögin fyrir fjölmennasta kröfufundi í áraraðir undir yfirskriftinni Þjóð gegn þjóðarmorði síðasta haust. Almenningur lætur sig nefnilega Palestínu varða, enda höfum við séð að það sem er gert í Palestínu er módel fyrir það sem koma skal um allan heim – það sjáum við til dæmis nú í auknum stríðsrekstri Ísraels og Bandaríkjanna á heimsvísu, sem hækkar ekki aðeins bensín-og matvöruverð venjulegs fólks, heldur normalíserar stríðsrekstur og stríðsglæpi án afleiðinga.
Gegn þjóðarmorði, kúgun og óréttlæti!
Baráttan fyrir frjálsri Palestínu er samtvinnuð verkalýðsbaráttu um allan heim. Við fjölmennum í kröfugönguna 1.maí með palestínska fána á lofti í samstöðu með verkalýð í Palestínu! Gegn þjóðarmorði, kúgun og óréttlæti!
Hægt er að nálgast fána að ganga með í verslun FÍP í Hafnarstræti 15, 3.hæð, frá klukkan 12-13 á 1.maí (meðan birgðir endast). Við söfnumst svo saman á Skólavörðuholti klukkan 13:00 og göngum af stað 13:30. Eftir göngu bjóðum við fólk velkomið aftur í verslunina þar sem boðið verður upp á kaffi, sætabrauð og samveru.
Frjáls Palestína!
Birtist á Facebook síðu félagsins.