Mikill meirihluti íslensku þjóðarinnar (70,9%) er ánægður með að Ísland taki ekki þátt í Eurovision. Auðvitað. Hvaða heilvita manneskja vill taka þátt í keppni með barnamorðingjum? Þjóðarmorðingjum?
Ég tek undir með „manninum á förnum vegi“ sem var sammála því að við tækjum ekki þátt og spurði jafnframt: “Af hverju bara Eurovision? Af hverju ekki allir íþróttaleikir og allt annað bara?”
Könnun Maskínu leiddi líka í ljós, að kjósendur stjórnarflokkanna Samfylkingin (ef) Viðreisnar og Flokkur fólksins (ef) studdu ákvörðun RÚV um að taka ekki þátt í Eurovision næsta ár.
Það þarf aðgerðir, ekki seinna en strax
Það er full ástæða fyrir ríkisstjórn Íslands að girða sig í brók og virða vilja þjóðarinnar – sem ítrekað hefur komið fram í skoðanakönnunum – í afstöðu sinni til málefna Palestínu og þj.morðsins á Gasa.
Það þarf meira en innantómar yfirlýsingar og krókódílatár. Það þarf aðgerðir, ekki seinna en strax.
Rapyd, sem er í ísraelskri eigu og hefur opinberlega sagst styðja aðgerðir Ís.raela á Gasa, þ.e. þj.morðið, er sniðgengið af stórum hópi almennings. Samt semur fjármálaráðherra þjóðarinnar við Rapyd um fjárhirðingu fyrir ríkisstofnanir!
Fjöldi ríkja hefur sameinast með Haag hópnum í markvissum aðgerðum til þess að rjúfa tengsl ríkja sinna við eyðileggingarherferð Ísraels í Palestínu. Íslensk ríkisstjórn hefur ítrekað verið krafin um þátttöku í Haag hópnum.
Hvoru megin ætlar ríkisstjórnin að staðsetja íslensku þjóðina?
Alþjóðlega stríðsglæpadómstóllinn hafnaði beiðni Ísrael um að stöðva yfirstandandi rannsókn á þj.morðinu á Gasa og handtökuskipanir gegn Netanyahu og Gallant standa.
Hvoru megin ætlar ríkisstjórnin að staðsetja íslensku þjóðina? Með eða á móti þj.morðingjum?
Könnun Maskínu um ákvörðun RÚV að taka ekki þátt í Eurovison.
Birtist á Facebook síðu höfundar.