Lokaverkefni Halldórs Ívars Stefánssonar til BA-prófs Listaháskóla Íslands, Sviðslistadeild á vorönn 2025.
Útdráttur:
Á síðastliðnum tveimur árum hefur þátttaka Ísraels í Eurovision verið fremur umdeild og mætti segja að ímynd Eurovision sé um þessar mundir að hrynja. Skortur á skýrri afstöðu EBU þegar kemur að hvað má og hvað má ekki og möguleg mismunun milli þjóða hefur búið til skrýtið andrúmsloft í kringum keppnina. Með nýjustu reglugerðum keppninnar mætti segja að orðspor Eurovision sem hinseginvæn hátíð sé ekki eins rétt og við höldum og mögulega er þátttaka Ísraels frekar í forgangi.
Í þessari ritgerð verður notast við hugmyndafræði fræðikonunnar Jasbir Puar um hinsegin þjóðernishyggju, einnig verður hugtakið bleikþvottur skoðað sem var fyrst notað til að lýsa aðferðum Ísraels til að auglýsa sig sem hinseginvæna þjóð í von um að fela aðgerðir þeirra gegn Palestínufólki. Leitað verður að tengingum úr þeim fræðum við Ísraelska Eurovision sögu. Með núverandi skekkju á ákvarðanatökum EBU í huga verður skoðað hvort að Eurovision hefur hingað til staðið við orð sín um að vera ópólitísk keppni og farið verður í uppruna ímyndar hennar sem hinseginvæna hátíð. Rýnt verður í stöðu keppninnar í dag eftir umdeildar ákvarðanir EBU þegar kemur að þátttöku Ísraels í Eurovision í samanburði við banni Rússlands árið 2022 og hvort að þátttaka Ísraels eigi einhverja undirliggjandi pólitíska forsendu. Í ritgerðinni er sýnt fram á hvernig þátttaka Ísraels fer gegn meintum grunngildum keppninar, og einnig hvernig keppnin hefur sett meint gildi sín til hliðar til að forðast þess að vísa Ísrael á dyr sama hversu háværar raddirnar eru sem biðja um það.
Birtist í Skemmunni.