Það væri óskandi að fréttastofa RÚV og öll þau sem starfa við fréttaflutning á Íslandi læsu þessa grein og lærðu af.
Ég var nýbúin að lesa grein um slaka stöðu íslenskra fjölmiðla eftir Stefán Jón Hafstein í morgun þegar ég hnaut um þessa. Sjálf tel ég ekki „alþjóðlegt umhverfi, gervigreind og samfélagsmiðla“ eða þá staðreynd að fjölmiðlamenntað fólk fer frekar í PR stöður hjá fyrirtækjum en á fjölmiðla, helstu ástæður „hnignandi blaðamennsku“ á Íslandi eins og Stefán, heldur fyrst og fremst afspyrnu lélega fréttamennsku íslenskra fjölmiðla. Hnignunin kemur innanfrá. Ég kenni ekki heldur gervigreindinni einni og sér um „pólitíska stýringu“ eins og Stefán. Ég fæ ekki betur séð en íslenskir fjölmiðlar, þ.m.t. RÚV, séu uppteknir við það alla daga að sinna pólitískri stýringu og heilaþvotti.
Að halda uppi áróðursmaskínu síonista hugnast mér bara engan veginn
Gagnrýnislaus umfjöllun, copy-paste’aðar fréttir fengnar beint frá ísraelskum fjölmiðlum um stríðin sem ísraelar heyja og þjóðarmorðið sem þeir fremja er svo grímulaust og galið að öllu þenkjandi fólki fallast hendur, alla daga. Núna er það þetta: “Átökin hófust þegar að Hezbollah skaut eldflaugum yfir til Ísrael í byrjun mars”.
Þegar þjóðarmorðið á Gasa var daglega í fréttum vitnaði RÚV gjarnan í höfuðpaur þjóðarmorðsins orðrétt. Undir fréttunum stendur svo þetta: „RÚV er óháð hagsmunum stjórnmála, viðskipta, opinberra aðila og einkaaðila. Fréttaflutningur og dagskrárgerð okkar byggist á trúverðugleika og óhlutdrægni.“
Ég er alveg til í að halda uppi ríkisfjölmiðli. Mér finnst það í grunninn ákjósanlegt að hafa ríkisfjölmiðil og 60 kall á dag fyrir góðan miðil er gjöf en ekki gjald. En að halda uppi áróðursmaskínu síonista hugnast mér bara engan veginn.
Birtist á Facebook síðu höfundar.
Fleiri færslur um afvegaleiðingu fjölmiðla á vefsíðunni:
- Afvegaleiðing vestrænna fjölmiðla um Palestínu.
- BBC nefndi ekki Ísrael sem geranda í helmingi frétta um mannfall meðal almennra borgara, samkvæmt gögnum.
- Þess vegna heyrum við minna um þjóðarmorðið í Palestínu.
- Skýrsla staðfestir kerfisbundna hlutdrægni BBC.
- Afvegaleiðing fjölmiðla um morðið á Hind Rajab og sjálfsíkveikju Arons Bushnell.
- Kerfisbundinn bjagi New York Times er staðfestur gegn Palestínufólki.