Dauðarefsing barna er veruleiki sem nú blasir við palestínskum börnum með nýlega samþykktum lögum síonista í Ísrael. Þetta er ríkið sem vestrænir ráðamenn styðja dyggilega bæði í orði og verki, einnig hér á landi og allt í trássi við alþjóðalög og skyldur viðkomandi ríkja.
Útrýming frumbyggja Palestínu er núna komin í yfirgír af hálfu síonista með stigvaxandi aukningu þjóðernishreinsana, þjóðarmorði og nú með aftökum á samviskuföngum (þ.m.t. börn) sem dæmdir eru í herdómstólum eftir pyntingar og falskar játningar.
Afmennskun Palestínumanna hefur greinilega skilað sér til íslenskra ráðamanna sem með aðgerðarleysi og þögn ætla að láta þá svívirðu eiga sér stað að börn séu tekin af lífi í hengingaról gálgans undir fagnaðarlátum siðblindra síonista Ísrael. Þrátt fyrir áköll af hálfu stofnana SÞ og mannréttindasamtaka um brot á alþjóðalögum þá hreyfir það ekki við steinhjörtum ráðamanna. Þögnin er ærandi.
Dauðarefsing fyrir börn?
Ekkert barn ætti að vera dæmt til dauða!
Ísrael hefur samþykkt ný lög um dauðarefsingu sem hægt er að beita fyrir herdómstólum.
Dauðarefsing er til í nokkrum löndum, en vandamálið hér er að lögin veita ekki neina skýra vernd fyrir börn. Að auki gilda lögin í kerfi sem er aðeins notað gegn Palestínumönnum.
Palestínsk börn geta verið dæmd fyrir herdómstólum frá 12 ára aldri. Hér eru börn oft meðhöndluð eins og fullorðin og fá ekki sanngjarna meðferð.
Dauði sem refsing í kerfi sem hefur þegar verið gagnrýnt fyrir gróf brot á réttindum barna mun hafa alvarlegar afleiðingar.
Við neitum að sætta okkur við heim þar sem börn geta verið dæmd til dauða.
Barnaheill í Noregi (Redd Barna).