Nú eru liðnir 190 dagar frá því að vopnahlé var samþykkt á Gaza en þrátt fyrir það hefur þjóðarmorðið haldið áfram allan þann tíma með linnulausum manndrápum, limlestingum og eyðileggingu allra samfélagslegra innviða.
Ný úttekt frá mannréttindasamtökunum Euro-Med Human Rights Monitor birtir tölfræði varðandi afleiðingarnar af þjóðarmorðinu á Gaza af þessu tilefni.
Staðan á Gaza eftir grímulaust þjóðarmorð Ísraels á Palestínsku þjóðinni í allt að tvö og hálft ár er eftirfarandi samkvæmt Euro-Med Human Rights Monitor:
- 9 af hverjum 10 sem drepnir hafa verið á Gaza eru almennir borgarar (90%).
- 13% af heildarfjölda íbúa á Gaza (um 286.000) hafa ýmist verið drepin, limlest, er saknað eða hafa verið handtekin.
- 77.263 Palestínumenn á Gaza hafa verið drepnir, þar af 71.636 almennir borgarar (93%), 21.490 börn (30%), og 14.100 konur (20%).
- 45.600 munaðarlaus börn eru nú á Gaza.
- 175.600 Palestínumenn hafa orðið fyrir limlestingu.
- 99% af íbúum Gaza hafa verið þvingaðir á flótta að minnsta kosti einu sinni.
- 100% allra sjúkrahúsa á Gaza hafa verið gereyðilögð eða skemmd.
- 80% allra bygginga á Gaza hafa verið gereyðilögð eða skemmd.
- 95% allra skólabygginga á Gaza hafa verið gereyðilögð eða skemmd.
- 1.701 heilbrigðisstarfsmaður á Gaza hefur verið myrtur og þar af 194 læknar og 376 hjúkrunarfræðingar.
- 800 kennarar á Gaza hafa verið myrtir.
- 200 fræðimenn og háskólakennarar á Gaza hafa verið myrtir.
- 263 blaðamenn á Gaza hafa verið myrtir.
- 140 starfsmenn almannavarna á Gaza hafa verið myrtir.
- 40.000 Palestínumanna á Gaza munu lifa við varanleg örkuml og fötlun til frambúðar og þar af 21.000 börn.
- 482 Palestínumenn á Gaza hafa dáið vegna manngerðar hungursneyðar af hálfu Ísraels.
- 300% aukning hefur orðið á fósturlátum á Gaza.
- 80% af mannúðarhjálp til íbúa á norður Gaza hefur verið stöðvuð af ísraelskum yfirvöldum.
- 100% af öllum íbúum Gaza standa frammi fyrir miklu mataróöryggi.
- 98% af vatnsnotkun á mann á Gaza hefur minnkað vegna mikillar eyðileggingar á vatnsinnviðum.
Börnin á Gaza og áskoranir þeirra í þjóðarmorði
Þrátt fyrir sex mánaða svokallað vopnahlé heldur barnaslátrun síonista óhindrað áfram á Gaza og reyndar víðar í Palestínu en 187 börn á Gaza hafa verið miskunnarlaust drepin á þessum tíma. Fjöldi munaðarlausra barna á Gaza eru í dag orðin 45.600 og um 21.000 börn hafa þar verið örkumluð og munu glíma við fötlun það sem eftir er ævi auk áskorana eins og áfallastreituröskunar.
Ofangreind samantekt, í lauslegri þýðingu, byggir m.a. á nýrri úttekt mannréttindasamtakanna Euro-Med Human Rights Monitor.