Ég heiðra þær milljónir gyðinga, samkynhneiðgra, fatlaðra, Rómafólks, sósalista og kommúnista sem Þjóðverjar og bandamenn þeirra myrtu í helförinni, með því að berjast gegn helför Ísraels í Palestínu. IHRA reglurnar, sem nýr starfshópur Alþingis vill lögfesta, eru ekki gerðar til þess að heiðra fórnarlömb Þjóðverja né til þess að koma í veg fyrir að slíkir glæpir endurtaki sig, enda eru þessir glæpir að endurtaka sig í Palestínu. Tilgangur IHRA er að vopnvæða minningu helfararinnar með því að mála alla þá sem berjast gegn glæpum Ísraelsríkis sem gyðingahatara og helfararafneitara.
Ein skilgreining IHRA á gyðingaandúð er sú að samanburður á glæpum Þjóðaverja í seinni heimstyrjöldinni og glæpum Ísraelsríkis gegn Palestínsku þjóðinni í dag sé gyðingaandúð og helfararafneitun. En við höfum öll horft uppá þjóðarmorð Ísraelsríkis í beinni útsendingu og borið vitni um að allar nætur og allir dagar í Palestínu eru kristallsnótt þar sem Ísraelskir hermenn og landræningjar ráðast á og misþyrma varnarlausum Palestínumönnum. Gaza og pyntingardýflissur Ísraelsríkis eru útrýmingarbúðir Þjóðverja. Ísraelskir hermenn taka upp myndbönd af sér sem gætu allt eins verið á austurvígstöðvunum. Ísraelsríki er rasískt aðskilnaðarríki sem hegðar sér nákvæmlega eins og Þjóðverjar hegðuðu sér í seinni heimstyrjöldinni.
Með því að samsama andstöðu við Ísraelsríki og útrýmingu þess á palestínsku þjóðinni við gyðingaandúð, gera IHRA reglurnar alla gyðinga samseka glæpum Ísraelsríkis. Þetta gerir frelsishreyfing Palestínumanna ekki, þar er gerður skýr greinarmunur á síonistum og gyðingum, en síonistar eru þeir sem trúa á yfirburðarhyggju gyðinga og flestir síonistar eru ekki gyðingar. IHRA reglurnar draga þannig ekki úr gyðingaandúð eða helfaraafneitun heldur ýta undir hana. Almenningur um allan heim mun áfram halda minningu fórnarlamba helfararinnar í heiðri með réttmættri baráttu gegn glæpum Ísraelsríkis gegn mannkyninu, en það gerir núverandi ríkisstjórn ekki með aðgerðarleysi og heigulshætti sínum gagnvart helförinni í Palestínu.
- Samtök gyðinga Jewish Voice for Peace (JVP) hafa bent á að lögleiðing IHRA reglna snúist ekki um að tryggja öryggi gyðinga heldur að tryggja refsileysi gagnvart áratuga brotum alþjóðalaga af hálfu Ísraelsríkis (þ.e. að gagnrýni á aðgerðir Íraelsríkis verði skilgreind sem gyðingaandúð).
- Kenneth Stern einn höfunda að drögum vinnuskilgreiningar um gyðingaandúð (IHRA) hefur einnig bent á að verið sé að vopnvæða gyðingaandúð gegn akademísku frelsi og stjórnarskrárvörðu tjáningarfrelsi með innleiðingu þeirra sem lög eða reglur.
- Opið bréf Kenneth Stern, sem skrifaðir reglurnar, til bandaríska þingsins, um að þær eigi alls ekki að lögfesta:
Birtist á Facebook síðu höfundar.