Hægt er að mæla með eftirfarandi vefsíðum sem góða byrjun fyrir þá sem vilja kynna sér enn frekar upphaf og eðli átakanna í Palestínu, helstu deilumál Palestínumanna og Ísraela ásamt afleiðingum vestrænnar heimsvalda- og nýlendustefnu í Mið-Austurlöndum.
Stofnanir
Samtök
Fróðleikur
| Nr. | Vefsíða | Stutt lýsing á innihaldi vefsins |
|---|---|---|
| 1. | Palestinian Central Bureau of Statistics | Palestínska hagstofan (The Palestinian Central Bureau of Statistics, PCBS) þróar og eflir opinbert palestínskt hagskýrslukerfi á grundvelli lagalegra forsendna með skipulagningu á ferli söfnunar og nýtingu gagna í tölfræðilegum tilgangi. |
| 2. | Palestinian National Council (PNC) | Palestínuþingið (PNC) er æðsta yfirvald Palestínumanna á öllum búsetustöðum þeirra. Það setur stefnu og áætlanir PLO til að ná markmiðum Palestínumanna um sjálfsákvörðunarrétt, stofnun sjálfstæðs palestínsks ríkis með Jerúsalem sem höfuðborg og heimkomu flóttamanna. |
| 3. | State of Palestine, Palestine Liberation Organisation, Negotiations Affairs Department | Samningamáladeild PLO (Negotiations Affairs Department, NAD) var stofnuð árið 1994 í Gaza til að fylgja eftir framkvæmd bráðabirgðasamkomulagsins sem undirritað var milli Ísraels og PLO. NAD er með tvær skrifstofur – eina í Gaza og aðra í Ramallah. NAD skrifstofan í Gaza ber ábyrgð á málefnum er varða brot Ísraels á undirrituðum samningum, nýlendustefnu Ísraels (ólöglegri landnemabyggðarstefnu) og palestínskum flóttamönnum. Skrifstofan í Ramallah ber ábyrgð á að fylgja eftir bráðabirgðasamningunum og undirbúa afstöðu Palestínumanna fyrir viðræðurnar um varanlega stöðu við Ísrael. |
| 4. | State of Palestine, Prime Minister’s Office | Vefsíða skrifstofu forsætisráðherra heimastjórnar Palestínu. Framtíðarsýn skristofunnar er að stofna sjálfstætt og fullvalda palestínskt ríki á landamærunum frá 1967, með Austur-Jerúsalem sem höfuðborg, í samræmi við sögulegar ályktanir Sameinuðu þjóðanna og friðarfrumkvæði Arabískra ríkja. |
| 5. | State of Palestine, Ministry of Foreign Affairs and Expatriates | Vefsíða utanríkisráðuneytis heimastjórnar Palestínu. Ráðuneytið leggur sitt af mörkum með því að vekja athygli á vandamáli palestínsku þjóðarinnar og einlægri pólitískri baráttu hennar fyrir því að ná fram þjóðarréttindum og markmiðum Palestínumanna og koma á friði í samræmi við alþjóðalög og tveggja ríkja lausnina sem byggir á landamærunum frá 1967. |
| Nr. | Vefsíða | Stutt lýsing á innihaldi vefsins |
|---|---|---|
| 1. | Institue for Palestine Studies, IPS | Vefsíða Institue for Palestine Studies (IPS) eða Stofnunin fyrir Palestínufræði í Bandaríkjunum (IPS-USA) var stofnuð árið 1983 og er staðsett í Washington, D.C.. Hún er sjálfstæð, hagnaðarlaus rannsóknarstofnun, óháð stjórnmálasamtökum eða ríkisstjórnum og með fullt ritstjórnarlegt sjálfstæði. |
| 2. | Interactive Encyclopedia of the Palestine Question | Gagnvirka alfræðiorðabókin (Interactive Encyclopedia of the Palestine Question) um Palestínumálið, sem Stofnunin fyrir Palestínufræði ásamt Palestínska safninu hafa sett saman sem hluta af samstarfsverkefni og rekur sögu nútíma Palestínu, frá lokum Ottómanatímans til dagsins í dag. Gagnvirka alfræðiorðabókin samanstendur af lýsingu á ýmsum þáttum Palestínumálsins sem er bæði hlutlæg og ákveðin og Palestínumenn eru kynntir eins og þeir eru – markvissir þátttakendur en ekki aðeins fórnarlömb. |
| 3. | The Institute for Middle East Understanding | Stofnunin fyrir skilning á Mið-Austurlöndum (The Institute for Middle East Understanding, IMEU) var stofnað árið 2005 af hópi áhyggjufullra Bandaríkjamanna sem vilja efla skilning meðal Bandaríkjamanna á Palestínu og Palestínumönnum. IMEU er sjálfstæð stofnun og tengist ekki neinum ríkisstjórnum eða stjórnmálaflokkum. Hún er fjármögnuð með einstaklingsframlögum og sjóðum. |
| 4. | The Palestinian Museum | Palestínska safnið eru frjáls félagasamtök sem helga sig því að styðja opna og líflega palestínska menningu á staðnum og á alþjóðavettvangi. Safnið kynnir og leggur sitt af mörkum varðandi frásagnir um palestínska sögu, menningu og samfélag frá nýjum og gagnrýnum sjónarhornum. Það býður einnig upp á rými fyrir skapandi verkefni, fræðsluáætlanir og nýstárlegar rannsóknir. |
| 5. | United Nations Relief and Works Agency for Palestine Refugees in the Near East (UNRWA) | Góður vefur um stöðu og sögu palestínskra flóttamanna. Inniheldur m.a. ýmsar tölfræðilegar upplýsingar, myndir og kort af flóttamannabúðum Palestínumanna. |
| 6. | WAFA, Palestine News and Information Agency | WAFA, Palestínu frétta- og upplýsingastofnun, var stofnuð sem sjálfstæð stofnun sem var skipulagslega, pólitískt og stjórnsýslulega tengd framkvæmdastjórn PLO með umboð til að takast á við ríkjandi ísraelskan áróður á þeim tíma og þjóna sem sjálfstæður vettvangur til að fjalla um atburði frá opinberu sjónarhóli Palestínumanna án þess að vera háð neinu umsýslukerfi (forsjá) eða undirgefni. |
| Nr. | Vefsíða | Stutt lýsing á innihaldi vefsins |
|---|---|---|
| 1. | Addameer | Palestínsku samtökin Addameer (samviska á arabísku) veita palestínumönnum sem hafa verið fangelsaðir mannréttinda- og fangaaðstoð og eru staðsett í Jerúsalem. Samtökin eru frjáls félagasamtök sem vinna að því að styðja palestínska pólitíska fanga sem eru í haldi í ísraelskum og palestínskum fangelsum. Addameer var stofnuð árið 1991 og býður upp á ókeypis lögfræðiaðstoð fyrir pólitíska fanga, berst fyrir réttindum þeirra á landsvísu og á alþjóðavettvangi og vinnur að því að binda enda á pyntingar og önnur brot á réttindum fanga með eftirliti, lagalegum málsmeðferðum og samstöðuherferðum. |
| 2. | Al Awda – The Palestine Right To Return Coalition (PRRC) | Samtök sem vinna að réttindabaráttu palestínskra flóttamanna og upplýsa umheiminn um rétti þeirra til að snúa aftur til heimalands síns. Vefurinn inniheldur m.a upplýsingar um stöðu flóttamanna á herteknum svæðunum og í flóttamannabúðum víða um heim. |
| 3. | Al-Haq, Defending Human Rights | Al-Haq eru sjálfstæð palestínsk mannréttindasamtök með aðsetur í Ramallah á Vesturbakkanum. Samtökin voru stofnuð árið 1979 til að vernda og efla mannréttindi og réttarríkið á hernumdu palestínsku svæðunum og hafa sérstaka ráðgjafarstöðu hjá efnahags- og félagsmálaráði Sameinuðu þjóðanna. |
| 4. | BADIL, Resource Center for Palestinian Residency and Refugee Rights | BADIL er úrræðamiðstöð sem sinnir búsetu- og réttindimálum flóttamanna í Palestínu. Úrræðamiðstöðin er sjálfstæð, hagnaðarlaus mannréttindastofnun sem eflir og ver réttindi palestínskra flóttamanna bæði innan og utan Palestínu. BADIL úrræðamiðstöðin var stofnuð árið 1998 og hefur haft sérstaka ráðgjafarstöðu hjá Sameinuðu þjóðunum frá árinu 2006. Að mati BADIL þarf raunhæf og varanleg lausn gagnvart flóttamönnum að byggja á réttindum og réttlæti á grundvelli alþjóðlegra mannréttinda-, mannúðar- og flóttamannalaga. |
| 5. | Defense for Children International – Palestine (DCIP) | Defense for Children International – Palestine (DCIP) eru sjálfstæð, staðbundin og einu palestínsku mannréttindasamtökin sem einbeita sér sérstaklega að því að verja og efla réttindi barna sem búa á Vesturbakkanum, þar á meðal Austur-Jerúsalem og Gasaströndinni. Frá árinu 1991 höfum við rannsakað, skjalfest og afhjúpað alvarleg mannréttindabrot gegn börnum; veitt börnum í brýnni neyð lögfræðiþjónustu; gert ísraelsk og palestínsk yfirvöld ábyrg fyrir alheims mannréttindareglum; og barist á alþjóðavettvangi og innlendum vettvangi fyrir því að efla aðgengi að réttlæti og vernd barna. |
| 6. | Félagið Ísland – Palestína | Félagið Ísland – Palestína beitir sér fyrir því að Íslendingar leggi sitt af mörkum til þess að réttlát og friðsamleg lausn finnist á deilu Ísraels og Palestínu á grundvelli alþjóðaréttar og mannréttindasáttmála Sameinuðu þjóðanna og með tilliti til allra samþykkta Sameinuðu þjóðanna sem varða deiluna. Á vefsíðu félagsins er m.a. að finna fréttir úr starfi félagsins, áskoranir til stjórnvalda o.fl. sem og upplýsingar um neyðarsafnanir fyrir málstað Palestínu. |
| 7. | Gush Shalom | Ísraelsk friðarsamtök sem berjast gegn hernámi Ísraela í Palestínu. Forvígismaður samtakanna Uri Avneri (er fyrrverandi hermaður sem barðist einnig með Irgun skæruliðahreyfingu gyðinga fyrir stofnun Ísraels. |
| 8. | The International Solidarity Movement (ISM) | Alþjóðlega samstöðuhreyfingin (ISM) er hreyfing undir forystu Palestínumanna sem stofnuð var í ágúst 2001 og miðar að því að styðja og styrkja palestínska alþýðuandstöðu með því að vera við hlið Palestínumanna í ólífulundum, í skólaakstri, í mótmælum, í þorpum sem verða fyrir árásum, þar sem hús eru rifin eða þar sem Palestínumenn verða fyrir stöðugri áreitni eða árásum frá hermönnum og landnemum, sem og í fjölmörgum öðrum aðstæðum. |
| 9. | Neturei Karta | Alþjóðleg samtök trúaðra gyðinga með aðsetur í New York, stofnuð árið 1937 til að berjast gegn hugmyndum zíonismans. Eru á móti því að blóði gyðinga og annarra sé úthelt fyrir sérríki ætluðu þeim. Síðan inniheldur m.a. fréttir, greinar og ýmsar upplýsingar trúarlegs eðlis. |
| 10. | Project Hope | Hjálparsamtök staðsett í Nablus sem hafa það að markmiði að skapa örugg og styðjandi rými þar sem börn og ungmenni geta lært, dafnað og vaxið. Með fræðslu-, lista- og afþreyingarverkefnum styðja þau og styrkja palestínsk börn og ungmenni sem hafa alist upp í umhverfi ofbeldis og hernáms og veita þeim þau verkfæri sem þau þurfa til að eiga betri framtíð. |
| 11. | Stop the Wall | Frábær vefur The Palestinian Environmental NGOs Network (PENGON) tileinkaður Aðskilnaðarmúrnum í Palestínu. Staðreyndir, alþjóðalög, frásagnir, myndir, kort og annað sem tengist múrnum. |
| 12. | The Palestinian Initiative for the Promotion of Global Dialogue & Democracy (MIFTAH) | Samtök sem berjast fyrir lýðræði, mannréttindum og málfrelsi í Palestínu. Reka mjög góða upplýsingasíðu sem inniheldur m.a. nýjar fréttir, fréttatilkynningar, söguleg skjöl og reglulega pistla frá Hanan Ashrawi, einni helstu baráttukonu Palestínumanna. |
| 13. | Volunteer In Palestine, Engage and Volunteer In the West Bank, Palestine | Sjálfboðaliðastarf í Palestínu (Volunteer In Palestine) eru samtök sem stofnuð voru í júní 2011 af palestínskum samfélagsaðilum og var komið á fót sem brú á milli palestínska nemenda og jafnaldra þeirra erlendis. Samtökin Sjálfboðaliðastarf í Palestínu hefur orðið að samfélagsstoð sem býður upp á menntunar-, menningar-, félags- og samfélagsþjónustu fyrir fjölbreyttan hóp alþjóðlegra nemenda, starfsnema og sjálfboðaliða, sem og palestínska nemendur sína í Hebron. |
| 14. | Go Palestine, Volunteer and Help Kids and Youth in Palestine | Palestínska miðstöðin fyrir menntun og menningarskipti (The Palestinian Center for Education and Cultural Exchange – Go Palestine) var stofnað til að mæta menningarlegum, félagslegum og menntunarlegum þörfum palestínska samfélagsins. Palestínska miðstöðin fyrir menntun og menningarskipti var stofnuð til að mæta menningarlegum, félagslegum og menntunarlegum þörfum palestínska samfélagsins. Miðstöðin skipuleggur fræðslu- og samfélagsstarfsemi fyrir Palestínumenn til að efla færni þeirra á ýmsum sviðum og skipuleggur einnig sjálfboðaliða- og starfsnámsáætlanir í Palestínu. |
| Nr. | Vefsíða | Stutt lýsing á innihaldi vefsins |
|---|---|---|
| 1. | Archiving Genocide | Viðamikil vefsíða sem inniheldur skráningu yfir þau grimmdarverk sem hafa verið og eru enn framin gegn palestínsku þjóðinni og miðlar þeim upplýsingum til allra sem vill vilja kynna sér málefnið nánar út frá sjónarhóli palestínumanna. Þetta er hljóð- og myndsafn sem ekki aðeins sýnir árásirnar á Gaza frá 7. október 2023, heldur inniheldur vefsíðan einnig fyrri stríðsglæpi og veitir sögulegt samhengi gagnvart átökunum. |
| 2. | Decolonize Palestine | Decolonize Palestine er sjálfstætt verkefni fjármagnað af Palestínumönnum sem búa í Ramallah sem rannsaka og rita greinar um Palestínu og mikilvægi afnýlendvæðingar gagnvart palestínsku þjóðinni. Verkefnið spannar meira en ár og ætlunin er að halda því áfram og bæta við það í framtíðinni. |
| 3. | Jerusalem Story | Markmið vefsíðunnar er að segja sögu einstakrar borgar frá nýju sjónarhorni – frá stóru og fjölbreyttu palestínsku samfélagi borgarinnar. Þetta samfélag á sér djúpar sögulegar rætur í Jerúsalem og býr yfir sterkri tengingu og ást við borgina. Linnulaust er reynt að afmá nærveru samfélagsins í borginni og hugsanlega kröfu um hana – fortíð, nútíð og framtíð – vegna ásælni Ísraels sem krefst fullveldis til frambúðar yfir „sameinuðu gyðinglegu Jerúsalem“. |
| 4. | Our Palestine | Okkar Palestína (Our Palestine) er vefur sem inniheldur fjölmargar greinar um m.a. Nakba (hörmungin mikla) þar sem síonistar með aðstoð Breta settu af stað þjóðernishreinsanir með fjöldamorðum á frumbyggjum Palestínu, hrakningu þeirra sem ekki voru myrt á flótta og að lokum ráni á eigum þeirra (m.a. bankainnistæðum, bókasafni, innanstokksmunum, heimilum og landi) á árunum 1947 – 1948. Á vefnum er hægt er að sækja forrit (e. app) í snjalltæki með aðgangi að þessum upplýsingum. |
| 5. | Palestine Rembembered | Efnismikil vefsíða tileinkuð sögu Palestínu og örlögum palestínskra flóttamanna. Inniheldur m.a. myndir, frásagnir flóttamanna, kort og ýtarlegar upplýsingar um byggðir Palestínumanna sem í hundraðatali hafa verið lagðar í rúst. Meðal efnisliða eru „The Conflict For Beginners“, „Zionism 101“ og „Refugees 101“. |
| 6. | Palestinian Historiographical Research | Vefsíða sem kafar almennt dýpra í sögu Palestínu og Mið-Austurlanda og ögrar viðvarandi söguskýringum og áróðri síonista og ráðamanna vesturlanda um upptök og ástæður áratuga átaka fyrir botni Miðjaðarhafs og víðar. Greinar vefsíðunnar innihalda góðar greiningar með tilvísunum í fræðilegar úttektir eða bækur fræðimanna um málefnið. |
| 7. | Stop the Wall | Frábær vefur The Palestinian Environmental NGOs Network (PENGON) tileinkaður Aðskilnaðarmúrnum í Palestínu. Staðreyndir, alþjóðalög, frásagnir, myndir, kort og annað sem tengist múrnum. |
| 8. | The Palestine Chronicle | Palestine Chronicle er sjálfseignarstofnun samkvæmt 501(c)3 reglugerð (e. 501(c)3) sem hefur það að markmiði að fræða almenning með því að bjóða upp á vettvang sem leitast við að varpa ljósi á málefni sem varða mannréttindi, þjóðarbaráttu, frelsi og lýðræði í formi daglegra frétta, umfjöllunar, greinar, bókadóma, ljósmynda, listaverka og fleira. |
| 9. | Palestine Monitor | Afar góð inngangssíða að efni tengdu Palestínu og Ísrael. Síðan er rekin af Palestinian NGO Networks sem tengir saman starfsemi ýmissa samtaka í Palestínu sem rekin eru óháð yfirvöldum (e. NGO) m.a. á sviði mannréttinda, umhverfisverndar og heilsugæslu. Mælum með efnisliðnum ‘Fact Sheets’. |
| 10. | This Week in Palestine | Tímaritið This Week in Palestine kom fyrst út 1998 er eina enskumælandi tímarit sinnar tegundar í Palestínu. Tímaritið er mjög veglegt og fjallar um fölbreytt viðfangsefni t.d. málefni kvenna og kynja, ungmenni, menningu, ferðaþjónustu, efnahagslíf og bankageirann, matargerð, mannréttindi, landbúnað, fötlun, vatn, arfleifð, sjálfsmynd, sumud (staðfestu), íþróttir, staði og helgidóma, borgir og bæi, sveitarfélög og margt, margt fleira. |
| 11. | Visualizing Palestine | Vefsíðan Visualizing Palestine notar gögn og rannsóknir til að miðla reynslu Palestínumanna sjónrænt og ögra fyrirliggjandi frásögnum. Palestína er viðfangsefni meira en aldar langrar nýlendusögu af hálfu heimsvelda, sem halda uppi hinu grimmilega kerfi ísraelskra landræningja og aðskilnaðarstefnu sem við sjáum í dag. Þótt grundvallarstaðreyndir og -orsakir baráttu Palestínumanna séu vel skjalfestar, er þeim oft afneitað eða faldar af þeim sem vernda Ísrael gagnvart ábyrgð. |
| 12. | Watermelon Picture | Watermelon Pictures er kvikmyndaframleiðslu- og dreifingarfyrirtæki sem á rætur að rekja til skapandi mótspyrnu og markmið okkar er að færa palestínska kvikmyndagerð og aðrar ósagðar sögur til breiðari hóps á þann hátt að hún skemmti, hvetji og virkji áhorfendur. Með okkar eigin þróun og framleiðslu erum við að breyta umfangi þess sem palestínsk kvikmynd getur verið og styrkja listamenn til að endurheimta sína eigin frásögn. Við stefnum að því að byggja upp sameiginlega sýn fyrir frelsandi kvikmyndagerð sem fagnar fjölbreytileika og ögrar valdi. |