Opinberar tölur um fjölda þeirra sem hafa verið drepin af Ísraelsher á Gasa byggja á gögnum frá sjúkrahúsum og líkhúsum. Læknar staðfesta og skrá lík sem koma inn á stofnanirnar.
Það er okkar að velja í hvernig heimi við viljum lifa. Heimi afmennskunar eða mennsku. Heimi vonleysis eða heimi vonar.
Undir tugum milljóna tonna af húsarústum liggja ótalin lík myrtra Palestínumanna, karla kvenna og barna. Heilu fjölskyldurnar liggja undir húsarústum og enginn getur staðfest dauða þeirra. Líkurnar á að leifar fólksins finnist minnka með hverjum deginum þar sem Ísrael kemur í veg fyrir að nauðsynlegur búnaður, vélar og verkfæri, séu flutt inn á Gasa ströndina til þess að grafa líkin upp.
Fólkið á Gasa hefur beðið árum saman eftir að fjölskyldur þeirra verði grafnar úr rústunum. Sumir hafa gefist upp á biðinni og hafið að grafa fólkið sitt úr rústunum með höndunum, líkt og Mahmoud Killah, sem hér segir sína sögu.
Þjóðarmorðið á Gasa heldur óhindrað áfram. Ísrael heldur landamærunum enn lokuðum og kemur í veg fyrir að hjálpargögn og hjálparsamtök komist inn á svæðið. Ísrael heldur Palestínufólki enn föngnu, sveltu, veiku og slösuðu inni á Gasa ströndinni.
Stjórnvöld og fjölmiðlar á vesturlöndum þagga áfram yfirstandandi þjóðarmorð á Gasa og gera Ísrael þannig kleift að halda því óhindrað áfram.
Það er okkar að velja í hvernig heimi við viljum lifa. Heimi afmennskunar eða mennsku. Heimi vonleysis eða heimi vonar.
Ég minni á Vonarbrú, almannaheillafélag sem styður við bakið á yfir 70 barnafjölskyldum með yfir 200 börn á Gasa. Við vinnum allt okkar starf í sjálfboðavinnu, yfirbyggingin er engin.
Við þurfum ykkar hjálp til að hjálpa þeim. Ekki gleyma Gasa.
Almannaheillafélagið Vonarbrú styrkir stríðshrjáðar barnafjölskyldur á Gaza. Börnin á brúnni þurfa okkar stuðning, styrk og kærleika. Foreldrar þeirra líka – og ömmur og afar.
Frjáls framlög:
Vonarbrú kt. 420625-1700, 0565-26-06379
Aur: @Vonarbrú
Iban: IS730565260063794206251700
SWIFT: GLITISRE
paypal.me/Vonarbru
Við höfum leiðina til að koma styrkjunum til þeirra, fljótt og vel.