Hvað er fósturjörð? Það er ekki spurning sem þú svarar og heldur síðan áfram. Það er líf þitt og málstaður samtvinnað.
Fósturjörðin mín hefur ekki alltaf rétt fyrir sér, en ég get raunverulega aðeins nýtt mannréttindi mín á henni.
Í 78 ár höfum við sáð og þau uppskera, við erum á vergangi og þau ríghalda, við grátum og þau fagna. Ég veit ekki hvaða dagar okkar eru Nakba, því þeir eru allir eins. Ég játa að ég var vön að sjá afa minn tala um draum sinn um að snúa aftur til Najd, þorpsins okkar innan landamæranna frá 1948, og hann dó með lyklinn í hendinni að húsi sínu, sem hann yfirgaf í von um að geta snúið til aftur eftir nokkra daga. Og núna, afi, lifi ég Nakba ársins 2023. Ég ber lykilinn að húsi mínu, sem var rænt og eyðilagt, og ég hef ekki fengið að fara inn í það í þrjú ár. Ég lifi í gegnum 78 ára sársauka, missi, hungur og niðurlægingu þess að búa í tjöldum. Kannski munu börnin mín upplifa það sem ég upplifi núna; Ég veit ekki hverjar okkar stærstu áföll verða. Hnífurinn er á hálsinum mínum, fósturjörð minni, og ég hrópa eftir rétti mínum til að snúa aftur, með hendurnar bundnar. En ég syng samt fyrir friði.
Birtist á Facebook síðu höfundar, hér í lauslegri þýðingu.
Ofangreindur texti er ritaður af Reham Khaled sem er kennari að mennt og skáld frá Gaza og afkomandi frumbyggja Palestínu sem hraktir voru á flótta 1948 frá heimilum fósturjarðar sinnar.
Reham hefur sinnt kennslu barna í flóttamannabúðum á Gaza en vegna útrýmingar allra samfélagslegra innviða af hálfu Ísraels undanfarin ár hefur hún o.fl. margítrekað þurft að leggja á flótta út í fullkomna óvissu. Sem dæmi þá hafa 95% allra skólabygginga og 80% annarra bygginga á Gaza verið gereyðilögð eða skemmd.
Grimmilegar þjóðernishreinsanir og þjóðarmorð á Palestínumönnum af hálfu Ísraels á Gaza þar sem helmingur íbúa eru börn hefur leitt til þess að um 30% þeirra hafa verið drepin eða um 21.490 börn. Auk þess hefur þjóðarmorðið leitt til þess að á Gaza eru um 45.600 munaðarlaus börn.
Vegna þjóðarmorðsins og eyðileggingu allra samfélagslegra innviða er neyð Palesínumanna skelfileg þar sem manngerð hungursneyð ríkir, ekkert húsaskjól er að finna og aðgangur að vatni verulega skertur.
Styrkjum Reham og fjölskyldu hennar í neyð þeirra með stuðningi á vefsíðunni Chuffed. Einnig er rétt að minna á mikilvægan stuðning við Almannaheillafélagið Vonarbrú sem styðir fjölmargar barnafjölskyldur á Gaza sem búa við skelfilegar aðstæður.