Ástæður sniðgöngunnar liggja í því hvernig Ísraelsríki brýtur daglega á mannréttindum Palestínumanna. Rifjum upp að markmið sniðgöngu BDS eru þrjú algerlega sjálfsögð atriði og ekkert umfram það að farið sé að alþjóðalögum:
- stöðva hernámið og nýlendustefnu á öllu arabísku landi og fjarlægja ólöglega aðskilnaðarmúrinn
- viðurkenna grundvallarréttindi þeirra palestínsku borgara sem búa í Ísrael og veita þeim full réttindi á við aðra borgara; og
- virða, vernda og stuðla að réttindum palestínskra flóttamanna til að snúa aftur til sinna heimkynna og til sinna eigna, eins og samþykkt Sameinuðu þjóðanna nr. 194 gerir ráð fyrir.
Eitt af því sem Ísrael gerir í því skyni að viðhalda hernámi sínu er að hneppa fólk í fanga- og pyntingabúðir. Um það (og margt fleira) fæst aldrei umfjöllun í íslenskum eða öðrum vestrænum meginstraumsmiðlum. Eins og flest vita hér sjálfsagt hlaupa þessir miðlar strax til og einhver framleiðir skýrslu um meint ofbeldi andspyrnuhreyfinga Palestínumanna og þá er ofbeldið alltaf málað upp sem algerlega ósegjanlega hryllilegt og villimannslegt. Ef einhver hefur áhuga þá gerði ég smá lista yfir skýrslur samtaka og stofnanna um hryllilegt ofbeldið sem Ísrael beitir í sínum fanga- og pyntingabúðum. Ég vissi sjálfur um nokkrar en lét gervigreind leita uppi fleiri. Ég tel 38 skýrslur við fyrstu sýn (gæti verið +/- 3) og það gætu alveg verið fleiri vegna þess að ég gaf gervigreindinni hint um það væru til skýrslur á vegum Amnesty, HRW, Sþ, B’Tselem, palestínskra samtaka, Save the Children og Norwegian Refugee Council og hún gæti hafa takmarkað sig dálítið við það.
Birtist á Facebook síðu höfundar.
Ofangreindan lista má einnig nálgast sem töflu hér á síðunni.