Skilaboð Bandaríkjanna eru skýr, ef þú rannsakar þjóðarmorð og talar fyrir virðingu og framfylgd alþjóðalaga þá verður þú miskunnarlaust beitt/-ur refsiaðgerðum af heimsveldinu.
Alþjóðastofnanir og fulltrúar þeirra sem standa með alþjóðalögum og virðingu þeirra hafa verið beittir grimmum refsiaðgerðum heimsveldisins fyrir það eitt að fylgja lögunum. Þetta er víst ríkið sem margir vestrænir ráðamenn skilgreina sem okkar „besta vin og bandamann“. Hversu öfugsnúið er það?
Bandaríkin hafa beitt refsiaðgerðum gegn dómurum og starfsmönnum Alþjóðlega sakamáladómstólsins, sérstökum skýrslugjafa Sameinuðu þjóðanna um ástand mannréttinda á hernumdum svæðum Palestínu frá því 1967 og ýmum mannréttinda- og félagasamtökum sem öll láta sig alþjóðalög varða en það er víst „glæpur“ að mati heimsveldisins. Bandaríkin hið svokallað ríki frelsis og lýðræðis beitir grímulaust aðferðum kúgunar til að fá pólitískum og efnahagslegum vilja sínum framgengt gagnvart sjálfstæðum og fullvalda ríkjum sem og alþjóðasamfélaginu í heild sinni.
Hér er góð greining og skýrsla frá samtökunum Courage International AISBL um markvissa aðför bandarískra yfirvalda að alþjóðakerfinu og fulltrúum þess.
Skrifum einnig undir áskorun Courage International AISBL til framkvæmdastjórnar ESB um aðgerðir til að verja verjendur alþjóðalaga, sjá hér að neðan.
Lögfræðilegar refsiaðgerðir – Kælandi áhrif bandarískra refsiaðgerða á alþjóðarétt
Krefjumst réttlætis – Verjum verjendur alþjóðaréttar
Courage International AISBL greinir frá því að bandarísk stjórnvöld séu að ráðast beint á alþjóðlegt réttlæti. Með því að beita Francescu Albanese, átta dómara við Alþjóðlega sakamáladómstólinn og frjáls palestínsk mannréttinda- og félagasamtök refsiaðgerðum fyrir að leggja fram sannanir um stríðsglæpi Bandaríkjanna og Ísraelsmanna, eru Bandaríkin að lama getu Alþjóðlega sakamáladómstólsins til að draga stríðsglæpamenn fyrir rétt.
Skrifum undir áskorun til ESB og krefjumst aðgerða
Þú getur hjálpað!
Skrifaðu undir áskorun okkar núna til að krefjast aðgerða frá framkvæmdastjórn ESB.
