Vefsíðan Lifi Palestína stendur vörð um frið, mannréttindi og mannúð fyrir Palestínsku þjóðina í samræmi við alþjóðalög og hafnar afvegaleiðingu eða þöggun um stríðsglæpi sem og aðgerðarleysi gagnvart þjóðarmorði á Palestínumönnum.
Á vefsíðunni munu birtast pistlar, greinar og sögulegar upplýsingar um Palestínu í ljósi heimsvalda- og nýlendustefnu Vesturlanda í rúmlega hundrað ár. Sjónum verður sérstaklega beint að uppruna og afleiðingum þeirrar stefnu gagnvart Palestínsku þjóðinni í áratugi og samsekt Vesturlanda í því sambandi.
Eldri greinar sem áður hafa birst um þetta efni munu einnig eiga sér heimili á vefnum til að auðvelda þeim sem vilja kynna sér sögulegar staðreyndir um Palestínu og þau ofbeldisverk sem þar hafa verið unnin í hátt í 80 ár með beinum eða óbeinum stuðningi stjórnvalda á Vesturlöndum.
Það er von ábyrgðaraðila vefsíðunnar að hún geti orðið miðlægur gagnabanki til að hjálpa lesendum að átta sig betur á staðreynum varðandi ofangreind óhæfuverk sem unnin hafa verið markvisst af stjórnvöldum á Vesturlöndum undanfarna áratugi, bæði beint og óbeint.
