Inngangur
Tilgangur, stefna og markmið með vefsíðunni Lifi Palestína (hér eftir nefnd LP), eru eftirfarandi:
Tilgangur
Umfjöllun um nýlendustríð Vesturlanda gegn frumbyggjum Palestínu (Palestínsku þjóðinni) í Vestrænum meginstraums fjölmiðlum hefur í áratugi einkennst af markvissri afvegaleiðingu á því sem raunverulega á sér stað í Palestínu og alfarið á kostnað Palestínsku þjóðarinnar.
Það sama má segja um stjórnvöld á Vesturlöndum sem ýmist með þögn sinni, aðgerðarleysi, gaslýsingu, hvítþvotti, vopnasendingum, pólitískum stuðningi, þöggun mótmæla og handtöku mótmælenda tekur beinan eða óbeinan þátt í þjóðernishreinsunum og þjóðarmorði á Palestínsku þjóðinni. Útrýmingarherferðin á undanförnum árum hefur farið fram með auknum skriðþunga fyrir allra augum í beinni útsendingu á degi hverjum án nokkurra raunverulegra aðgerða við að stöðva hana.
Ef mótmælendum eða ráðamönnum á Vesturlöndum verður það á að sýna einhverja samstöðu og samkennd með Palestínumönnum þá þarf oftar en ekki að réttlæta eða jafnvel afsaka slíkt til að verjast ásökunum um gyðingaandúð. Öll gagnrýni á áratuga helför útlaga- og landránsríkisins gegn Palestínumönnum er sögð byggja eingöngu á gyðingaandúð en ekki réttmætum ásökunum um brot á alþjóðalögum. Upphrópanir um gyðingaandúð virðist trompa allt og réttlæta þar með stríðsglæpi, þjóðernishreinsanir, þjóðarmorð og glæpi gegn mannkyni sem framin eru gegn Palestínsku þjóðinni.
Áratuga innræting Vesturlandabúa af hálfu stjórnvalda og meginstraums fjölmiðla á Vesturlöndum hefur markvisst miðað að því að afmennska og smætta Palestínumenn og þar með leggja grunninn að réttlætingu á þjóðarmorði sem nú blasir við öllum með einhverja mennsku í sínu hjarta. Heimsvalda- og nýlendukúgun Vesturlanda hefur í raun aldrei liðið undir lok og Palestínska þjóðin hefur svo sannarlega fengið að kenna á afleiðingum hennar í rúmlega hundrað ár.
Alþingi Íslands hefur viðurkennt Palestínu sem sjálfstætt ríki en stjórnvöld á Íslandi hafa ekki sýnt í verki að þau standi raunverulega með Palestínumönnum með gagnlegum aðgerðum eins og sniðgöngu á vörum og þjónustu frá útlaga- og landránsríkinu eða að styðja við ákæru Suður-Afríku um þjóðarmorð hjá Alþjóðadómstólnum. Álit Alþjóðadómstólsins um að líkur séu á þjóðarmorði og áminning dómstólsins um að öll ríki séu skuldbundin gagnvart alþjóðalögum um að grípa strax til aðgerða til að stöðva þjóðarmorðið breytir engu þar um.
Megin tilgangur vefsíðunnar LP er að upplýsa um m.a. eftirfarandi atriði sem átt hafa og eiga sér enn stað gagnvart Palestínsku þjóðinni:
- Afmennskun Palestínumanna í augum Vesturlandabúa
- Ofbeldisfullum og grimmilegum þjóðernishreinsunum
- Sviptingu grundvallar mannréttinda
- Fangelsanir (gíslatökur) án dóms og laga
- Pyntingar á samviskuföngum (gíslum)
- Grímulausa eignaupptöku og landrán í Palestínu
- Afvegaleiðingu staðreynda í umfjöllun um Palestínu
- Mismunun á grundvelli þjóðernis, kynþáttar og trúar
- Hatursfulla orðræðu og linnulausan áróður
- Brot á alþjóðalögum og mannréttindasáttmálum
- Þjóðarmorði (e. genocide) í beinni útsendingu
Stefna
Vefsíðunni LP er ætlað að standa vörð um frelsi og mannréttindi Palestínumanna sem hafa lifað í árþúsundir, kynslóð eftir kynslóð, í eigin landi fyrir botni Miðjarðarhafs en hafa í rúmlega hundrað ár staðið frammi fyrir grimmilegri heimsvalda- og nýlendustefnu Vesturlanda með tilheyrandi eignaupptöku, landráni, kúgun, ofbeldi, pyntingum og fjöldamorðum.
Stefna LP er að varpa skýru ljósi á skelfilegar aðstæður Palestínsku þjóðarinnar sem býr við grímulausa heimsvalda- og nýlendukúgun af hálfu Vesturlanda og hefur gert í meira en hundrað ár.
Öll þau grimmdarverk ofbeldis sem þar eiga sér stað þarf að birta frá sjónarhóli Palestínumanna til að auka skilning almennings á Vesturlöndum á þeirri afmennskun, smættun og fordómum sem Palestínmenn hafa orðið fyrir á undanförnum áratugum af hálfu stjórnvalda og áróðursmiðla Vesturlanda.
Markmið
Megin markmið LP er að verjast linnulausum áróðri, réttlætingu og afvegaleiðingu stjórnvalda á Vesturlöndum og vestrænna meginstraums fjölmiðla um það sem raunverulega á og hefur átt sér stað á hverjum degi í Palestínu í rúmlega hundrað ár.
Eftirfarandi eru helstu sértæku markmið LP:
- Birta sögulegar staðreyndir um Palestínu og afleiðingar heimsvalda- og nýlendustefnu Vesturlanda í hundrað ár á Palestínsku þjóðina
- Birta reglubundna pistla um það helsta varðandi linnulausa heimsvalda- og nýlendukúgun Vesturlanda gegn Palestínsku þjóðinni
- Birta greinar höfunda sem standa vörð um sjálfstæði og fullveldi Palestínu með frelsi, mannréttindi, mannúð og friði að leiðarljósi
- Birta stutt fréttastreymi um daglega baráttu Palestínumanna frá sjónarhóli þeirra sjálfra
- Birta sögur frá Palestínumönnum um líf þeirra, vonir og væntingar
- Birta tölfræði um skelfilegar afleiðingar heimsvalda- og nýlendukúgunar Vesturlanda á mannlíf og samfélag Palestínumanna í Palestínu
Að lokum
Vefsíðan LP stendur með Palestínsku þjóðinni gagnvart heimsvalda- og nýlendukúgun Vesturlanda með frelsi, mannréttindi, mannúð og friði að leiðarljósi í samræmi við alþjóðalög.
Vefsíðunni LP er ætlað að veita andspyrnu gegn kúgun, ofbeldi og áróðri gagnvart Palestínsku þjóðinni með fræðslu um uppruna og afleiðingar nýlendustríðs Vesturlanda í Palestínu.
Vefsíðan er óháð einstökum pólitískum samtökum eða andspyrnuhreyfingum Palestínumanna eða annarra samtaka eða hreyfinga um málefni Palestínu hvort heldur hér á landi eða annars staðar.
Ábyrgðarmaður vefsíðunnar er: Guðjón Sigurðsson