Ísland stendur í ströngu í Mannréttindaráði Sameinuðu þjóðanna í dag: „Mannréttindaráð Sameinuðu þjóðanna kemur saman á sérstökum aukafundi að frumkvæði Íslands til að fjalla um alvarlega stöðu mannréttinda í Íran í kjölfar víðtækra mótmæla í landinu undanfarið.
Ísland leiðir ákall um aukafund í Mannréttindaráði gagnvart mannréttindabrotum í Íran en ekki gagnvart mannréttindabrotum í Palestínu.
Ísland leiddi ákall um aukafundinn í samstarfi við kjarnahóp ríkja sem leiða árlega ályktun um stöðu mannréttinda í Íran. Fundurinn fer fram 23. janúar nk. kl. 14:00 að staðartíma í Genf.“
Börnin á Gaza mega áfram deyja úr hungri og vosbúð
Þetta sýnir okkur að íslensk utanríkisþjónusta tekur við sér í sumum málum – en börnin á Gaza mega áfram deyja úr hungri og vosbúð og okkar utanríkisráðherra tekur ekki frumkvæði í því máli – það má ekki styggja Ísrael og Bandaríkin.
Birtist á Facebook síðu höfundar.
„Ég hef miklar áhyggjur af því skelfilega ástandi sem ríkir í Íran og fordæmi harðlega dráp stjórnvalda á mótmælendum,“ segir Þorgerður Katrín Gunnarsdóttir utanríkisráðherra. „Þessi aukafundur mannréttindaráðsins sendir skýr skilaboð til yfirvalda í Íran um að alþjóðasamfélagið hafni afdráttarlaust því gegndarlausa ofbeldi sem almenningur hefur mátt sæta fyrir það eitt að nýta tjáningarfrelsi sitt til friðsamlegra mótmæla. Þessu ofbeldi verður að linna og það strax.“