Eftir Intifada uppreisn Palestínumanna á herteknu svæðunum, Vesturbakkanum og Gaza, lýsti þjóðarráð Palestínumanna (PNC) yfir stofnun sjálfstæðs ríkis með Jerúsalem sem höfuðborg.
Þing þjóðarráðsins samþykkti einnig samþykktir SÞ um skiptingu Palestínu og tilverurétt Ísraels – og er því í reynd yfirlýsing um sjálfstæða Palestínu á Vesturbakkanum og Gaza (22% af upphaflegri Palestínu) með Austur-Jerúsalem sem höfuðborg.
Sjálfstæðisyfirlýsing Palestínu var rituð af palestínska skáldinu Mahmoud Darwish og Yasser Arafat lýsti formlega yfir stofnun Palestínuríkis 15. nóvember 1988 í Alsír.
Sjálfstæðisyfirlýsingin hafði áður verið samþykkt af Palestínska þjóðarráðinu (PNC), löggjafarþingi Frelsissamtaka Palestínu (PLO), með 253 atkvæðum, 46 á móti og 10 sátu hjá. Hún var lesin upp á 19. lokafundi PNC með standandi lófataki. Að loknum lestri yfirlýsingarinnar tók Arafat, sem formaður PLO, við titlinum forseti Palestínu. Í apríl 1989 kaus miðstjórn PLO Arafat sem fyrsta forseta Palestínuríkis.
Declaration of State of Palestine – Palestine National Council
Krækja í skjalið hjá UNISPAL.
Heimild: Wikipedia.org