„Palestína er það fyrsta sem ég hugsa um þegar ég vakna og það síðasta sem ég hugsa um áður en ég sofna. Á hverjum morgni vakna ég og vona að þetta sé búið, að ráðamenn heimsins ætli loksins að stoppa þetta. Ég hef orðið fyrir vonbrigðum í 64 daga í röð. Í 64 daga hefur Ísraelsríki fengið að komast upp með að drepa fyrir augunum á okkur saklausa borgara af meiri grimmd og mannvonsku en hægt er að ímynda sér.
Atburðir síðustu tveggja mánaða hafa opnað augu okkar. Þeir hafa gert okkur róttækari. Þeir hafa neytt okkur til að grípa til aðgerða. Þeir hafa gert okkur reið, bálreið. Þeir hafa orðið til þess að við grátum oft á dag. Þeir hafa látið okkur finna fyrir meiri vonbrigðum með yfirvöld landsins okkar og heimsins en við héldum við gætum fundið til. Þeir hafa látið okkur efast um lýðræðið. Þeir hafa látið okkur efast um að til sé réttlæti og sannleikur. En þeir hafa ekki látið okkur efast um samtakamátt fólks. Við höfum komið saman, í hundruðum, þúsundum, tugþúsundum, til að berjast fyrir friði og réttlæti fyrir fólk sem við þekkjum ekki en finnum til með.
Svo virðist sem ráðamenn Íslands líti þessa glæpi gegn mannkyni ekki sömu alvarlegu augum og við. 10.000 börn eru léttvægur fórnarkostnaður í þeirra augum, ekki ástæða til frekari viðbragða en að hvetja kurteislega til mannúðarhlés á meðan þau hafa eftir þvælu og lygar Ísraelsríkis eins og þau fái borgað fyrir það.
Heldur alvarlegra finnst utanríkisráðherra að fá glimmer á jakkafötin en að hann hafi með orðum sínum og gjörðum sem utanríkisráðherra samþykkt og stutt þjóðarmorð á Palestínu. „Sagðirðu árás?“ sagði Bjarni Benediktsson þegar hann var beðinn að tjá sig um sprengjuárás Ísraels á flóttamannabúðir. Árás er of djúpt í árina tekið, en glimmersturtan var hins vegar út fyrir allan þjófabálk, en Bjarni sagði í Facebook-færslu um atvikið í gær að hann teldi að “samfélaginu farnist best ef við öll sýnum leikreglum þess virðingu”.
Ég er sammála því, en við Bjarni erum ekki sammála um hverjar þessar leikreglur samfélagsins séu.
Leikreglur samfélagsins eiga ekki að leyfa að saklaust fólk sé drepið, sært, svelt, og heimili þess eyðilögð. Leikreglur samfélagsins eiga ekki að virka þannig að eitt ríki, Bandaríkin, geti þvert á alla siðferðiskennd heimsbyggðarinnar hafnað því með neitunarvaldi sínu í Öryggisráði SÞ að fjöldamorðin á Gaza séu stöðvuð. Leikreglur samfélagsins leyfa ekki að stjórnmálafólk geri lítið úr þjóðarmorði á Palestínumönnum með því að kalla stríðglæpi Ísraelsríkis sjálfsvörn. Leikreglur samfélagsins leyfa ekki dráp á 63 blaðamönnum, 133 starfsmönnum Sameinuðu Þjóðanna,283 heilbrigðisstarfsmönnum, óteljandi árásir á spítala, flóttamannabúðir og skóla. Reyndar eru þetta svo mikil brot á leikreglum samfélagsins að þau kallast stríðsglæpir.
Til stjórnmálafólks á Íslandi sem vælir yfir mótmælaaðgerðum og snýr út úr réttlátri reiði almennings, stjórnmálafólks sem stendur fyrir brottflutningi á palestínskum börnum, neitar að beita sér fyrir alþjóðlegri vernd fyrir fólkið sem þarf að flýja þennan hrylling, sem þorir ekki að beita sér því það vill heldur ríghalda í stöðu sína, við ykkur vil ég segja:
Þið eruð aumingjar. Mannréttindasáttmálar og samfélagssáttmálar verða að marklausu hjali í höndum ykkar, skömm ykkar er mikil og við gleymum henni aldrei!
Palestína er það fyrsta sem við hugsum um þegar við vöknum og það síðasta sem við hugsum um áður en við sofnum.
Til alls Palestínsks fólks hér og um heim allan vil ég segja, og ég ætla að skipta yfir á ensku:
To all Palestinians, here and around the world. I’ve never been to Palestine. I hope to visit one day, I’ve heard the sunset from Gaza is a beautiful sight. The people I’ve met from Palestine seem to me like the strongest and kindest people in the world. I admire their strength. There aren’t strong enough words to express how ashamed I am of the governments that claim to stand for human rights, yet are aiding and abetting the violence being done to Palestine every minute, not just in the past months but for the past 75 years.
But know this: We, the public, the people of the world, will not stop fighting. We stand with you. We will never close our eyes, never again. We will never give up. We grieve your losses as they were our own, our own children, our own mothers, our own friends, our own lives. Because they are. We will not stop calling for a free Palestine, until Palestine is truly free and this genocide ENDS.
I believe we will Free Palestine. I believe it, because I know now that the world can change. I know that now, because we have all been changed: Palestine has changed us all, and the world will change because of Palestine.
Free free Palestine!“
Birtist á FB síðu Félagsins Ísland-Palestína.
