Y., er ísraelskur hermaður sem ekki vill láta nafn síns getið. Hann sneri nýlega heim úr herþjónustu í Rafahborg á Gaza. Hann lýsti niðurrifsaðferðum hersins fyrir blaðamönnum fréttamiðlanna +972 Magazine og Local Call. „Ég safnaði saman fjórum eða fimm jarðýtum sem náðu að rífa 60 hús á dag. Einnar eða tveggja hæða hús, rústa þeir á innan við klukkustund; þriggja eða fjögurra hæða hús taka aðeins lengri tíma,“ sagði hann. „Opinbera verkefnið var að opna flutningaleið fyrir herinn, en í reynd voru jarðýturnar einfaldlega að eyðileggja heimili. Suðausturhluti Rafah er gjöreyðilagður. Sjóndeildarhringurinn er flatur. Það er engin borg.“
Vitnisburður Y. er í samræmi við vitnisburð 10 annarra hermanna sem þjónuðu á mismunandi tímum á Gaza-svæðinu og í suðurhluta Líbanon síðan 7. október og ræddu við +972 Magazine og Local Call.
Saman draga þessar heimildir upp skýra mynd: kerfisbundin eyðilegging íbúðarhúsa og opinberra mannvirkja er orðin miðlægur hluti af aðgerðum ísraelska hersins og í mörgum tilfellum meginmarkmiðið.
Birtist fyrst á Facebook.
