Shireen Abu Akleha (april 1971-11.mai 2022) var palestinsk bandarísk blaðakona sem starfaði við Al Jazeera fréttaveituna í 25 ár. Hún var þekkt og virt í fjölmiðlaheimi Mið-Austurlanda fyrir fréttaflutning frá hernumdum palestínskum svæðum en á ferli sínum greindi hún frá fjölmörgum stóratburðum sem höfðu áhrif á Palestínumenn. Hún veitti palestinumönnum og aröbum innblástur með fréttaflutningi sínum og var helsta fyrirmynd arabískra kvenna í blaðamennsku.
Þann 11. maí 2022 var Shireen Abu Akleha að fjalla um árásir Ísraelshers á flóttamannabúðir í Jenin á Vesturbakkanum. Á meðan hún sinnti starfi sínu var hún skotin af ísraelskum leyniskyttum þrátt fyrir að vera greinilega merkt sem blaðamaður bæði á hjálmi sem hún var með á höfði sínu og á bláu vesti sem hún klæddist. Hún var flutt á Ibn Sina sjúkrahúsið eftir árasina þar sem hún var úrskurðuð látin. Hún varð 51 árs. Annar blaðamaður, Ali Samodi frá dagblaðinu Al-Quds, var einnig skotinn en komst lífs af. Tveir aðrir Palestínumenn voru fluttir á sjúkrahús.
The Times í London greindi frá því að Shireen Abu Akleha hefði verið skotin af leyniskyttu. Shatha Hanaysha, palestínskur blaðamaður, sagði að hún og Shireen Abu Akleh og Ali Samodi hefðu verið króuð af af ísraelskum leyniskyttum sem hæfðu Shireen. Stöðug skothríð hersins kom því í veg fyrir að hægt væri að koma Shireen undir læknishendur.
Skömmu eftir að þeir skutu hana til bana gerðu ísraelskir hermenn innrás á heimili hennar og lögðu m.a. hald á palestínska fána og komu í veg fyrir spilun þjóðernissöngva. Myndbönd sem Al Jazeera birti sýna vini og fjölskyldumeðlimi hrópa á ísraelska lögreglu að yfirgefa húsið.
Þrátt fyrir vitnisburði starfsbræðra hennar (þar á meðal AFP-ljósmyndara) þar sem þeir sökuðu ísraelska hermenn um dauða hennar, neituðu Ísraelar ábyrgð og kenndu palestínskum vígamönnum um að valda dauða hennar. Síðar lýsti herinn því yfir að rannsókn leiddi í ljós að hugsanlegt væri að hún hefði verið drepin annað hvort af skoti ísraelska hersins eða Palestínumönnum. Aðskildar rannsóknir á vegum alþjóðlegra fréttastofnana, þar á meðal The New York Times, The Washington Post og CNN, komust að þeirri niðurstöðu að dauði hennar hafi verið morð af ásetningi af hálfu Ísraela. Frekari rannsóknir mannréttindafulltrúa Sameinuðu þjóðanna, palestínsku heimastjórnarinnar (PA) og bandaríska utanríkisráðuneytisins komust að svipaðri niðurstöðu, þó svo að bandarískir embættismenn lýstu því yfir að engin ástæða væri til að ætla að bani hennar hafi verið af ásettu ráði.
Þann 5. september viðurkenndi ísraelski herinn, IDF, að miklar líkur væru á því að blaðamaðurinn hefði fyrir mistök orðið fyrir skoti í skothríð hersins, en sagði að það myndi ekki framkvæma sakamálarannsókn á dauða hennar þrátt fyrir beiðni Bandaríkjamanna um að slík rannsókn yrði framkvæmd.
Rannsóknarhópur í London, Forensic Architecture, hafnaði niðurstöðum Ísraels þann 20. september. Niðurstaða þeirra eigin rannsóknar benti til að Shireen Abu Akleha hefði verið vísvitandi skotmark hersins og að viðvarandi skotárás sýndi Shireen var vísvitandi neitað um læknisaðstoð.
Í jarðarför Abu Akleh réðust ísraelskir lögreglumenn á þá sem báru kistu hennar frá Saint Joseph sjúkrahúsinu í Austur-Jerúsalem með kylfum og höggsprengjum.
Í jarðarför Shireen Abu Akleha réðust ísraelskir lögreglumenn á þá sem báru kistu hennar frá Saint Joseph sjúkrahúsinu í Austur-Jerúsalem með kylfum og höggsprengjum. Ísraelska lögreglan réðst í kjölfarið inn á sjúkrahúsið, sló, ýtti og tróð á sjúklingum, kastaði sprengjum, og særði heilbrigðisstarfsfólk. Dauði hennar og þessi ofbeldisfulla aðför við útförina vakti mikla alþjóðlega fordæmingu á Ísrael.
Í kjölfarið sendi sjúkrahúsið út yfirlýsingu frá samtökum kristinnar kirkju hins helga lands, sem eru fulltrúar 15 kristinna trúfélaga. Þar var haldið fram að aðgerðir ísraelsku lögreglunnar fæli í sér „innrás og óhóflega valdbeitingu og alvarlegt brot á alþjóðlegum lögum og reglum, þ.m.t. grundvallarréttur trúfrelsis.” Við útför hennar voru tugþúsundir Palestínumanna sem báru fána og sungu þjóðernissöngva. Þetta er talin vera fjölmennasta palestínska útförin í Jerúsalem í yfir tuttugu ár.
Birtist fyrst í Frjáls Palestína.
