Hér er áhugaverð grein frá 2024. Í henni er umfjöllun New York Times um Intifada uppreisnir Palestínumanna (1987-1993 og 2000-2005) greind með vísindalegum hætti og nýjustu tungutækni.
Kerfisbundinn bjagi er staðfestur gegn Palestínufólki, sér í lagi með tvenns konar hætti:
(1) Hlutfallslega miklu meiri notkun á þolmynd þegar fjallað er um ofbeldi gegn Palestínumönnum (þ.e. óvirku orðalagi þar sem gerandi er ónefndur, t.d. „Tuttugu börn fórust“).
(2) neikvæðari og ofbeldisfullari orð notuð um Palestínumenn heldur en um Ísraelsmenn (Palestínumenn „fremja skelfileg hryðjuverk“ á meðan Ísrael „svarar fyrir sig með aðgerðum“).
Mín viðbót: Í þessari vísindagrein er bara fjallað um afmarkað efni út frá afmörkuðu sjónarmiði. New York Times er bjagað gegn Palestínumönnum á marga aðra vegu, ekki síst með því hvernig valið er frá hverju er sagt og hverju ekki. En New York Times er því miður blað sem margir treysta. Það sama má segja um BBC.
Ríkisfréttamiðlar eins og RÚV enduróma þessa miðla. Þess vegna eru þeir líka alvarlega bjagaðir og gefa ranga mynd, ranga sögu og röng hughrif um landrán, hernám og þjóðarmorð Ísraels í Palestínu.
Tengill í grein og viðhengi hér að neðan.
Birtist fyrst á Facebook.
