Enn herða síonistar róðurinn á þjóðarmorðinu gagnvart frumbyggjum Palestínu og nú með lögleiðingu á dauðarefsingum sem snertir eingöngu Palestínumenn en þetta var samþykkt í dag á ísraelska þinginu, Knesset. Í áratugi hafa frumbyggjarnir sætt sadískum pyntingum kvalalostara Ísraels þar sem falskar játningar eru fengnar fram sem síðan herdómstólar síonistanna byggja úrskurði sína á.
Aðferðir þriðja ríkisins eru í fullu gildi fyrir botni Miðjarðarhafsins með afmennskun og kerfisbundinni útrýmingu heillar þjóðar sem alþjóðasamfélagið leggur blessun sína yfir með aðgerðarleysi sínu.
Eftirfarandi er frétt Mondoweiss, í lauslegri þýðingu, um samþykkt Knesset á dauðarefsingum sem eingöngu gilda fyrir Palestínumenn.
Í frumvarpinu var kveðið á um „dauðarefsingu fyrir hvern þann sem af ásettu ráði eða gáleysi veldur dauða ísraelsks ríkisborgara af kynþáttafordómum eða hatursfullum ástæðum og til að skaða Ísrael.“ Á það við um Ísraela sem drepa Palestínumenn við svipaðar aðstæður? Nei
Hundruð Palestínumanna gætu átt yfir höfði sér aftökur samkvæmt þessum lögum en lögin eiga hins vegar ekki um Ísraela sem eru gyðingatrúar
Frumvarpið var sett saman af Itamar Ben Gvir, sem bar barmmerki í laginu eins og hengingaról vikurnar fyrir atkvæðagreiðsluna.
Ben Gvir var sakfelldur árið 2007 fyrir kynþáttafordóma gegn Aröbum og stuðning við Kach-hópinn, hryðjuverkasamtök samkvæmt bæði ísraelskum og bandarískum lögum.
Lögin gilda fyrir herdómstólum með 96% sakfellingarhlutfalli og skjalfestri sögu um að játningar eru fengnar fram með pyntingum.
Meira en 100 palestínskir fangar hafa látist í haldi Ísraels frá október 2023. Tugir hafa horfið með nauðung. Formaður Palestínsku fangasamtakanna sagði að fangar hafi verið beittir „hægum drápsaðferðum“ í mörg ár.
Yfir 9.300 Palestínumenn eru nú í haldi í ísraelskum fangelsum, þar af 350 börn. 66 konur. Hundruð gætu átt yfir höfði sér aftökur samkvæmt þessum lögum.
Birtist á Facebook.