Hér eru örfáir fréttapunktar allra síðustu daga. Augljóslega kemst ekkert af þessu í „fréttir“.
- Committee to Protect Journalism (CPJ) eru samtök sem segjast berjast fyrir blaðamennsku og gefa út efni sem benda á kúgun og ofbeldi gegn blaðamönnum. Þau hafa víst gefið út eitthvað sem þau kalla Impunity index, sem raðar löndum eftir því hve margir blaðamenn eru myrtir án þess að ríkin refsi morðingjunum. Ísrael myndi þá tróna á toppnum fyrir 2025. En þá bregður svo við að útgáfu listans er hætt.[1]
- Berlinale kvikmyndahátíðin hefur lýst afgerandi stuðningi við Úkraínu og (almenning í) Íran en neitar að taka „pólitíska afstöðu“ gegn þjóðarmorðinu á Gaza. Wim Wenders formaður dómnefndar lýsti því yfir að kvikmyndir væru ekki pólitískar. Það er áhugavert í ljósi þess að hann sjálfur lýsti sérstakri ánægju með að hátíðin hefði tekið pólitíska afstöðu með því að afbjóða fulltrúum AfD flokksins fyrir tveimur árum.[2]
- Meta, fyrirtækið sem á Facebook, Instagram og fleira, lokar markvisst á gagnrýnar raddir af sínum miðlum – ef það tengist Palestínu (sjálfsagt fleira líka, jafnvel eftir óskum stjórnvalda á hverjum stað). AIPAC Tracker var lokað á Instagram, enda síða með yfir 100 þúsund fylgjendum. Síðan var lokuð um skeið en er komin aftur.[3]
- Francesca Albanese er Sérstakur skýrslugjafi Sameinuðu þjóðanna um mannréttindaástand á herteknu palestínsku svæðunum (hertekin 1967, Sþ „gleymir“ alltaf að öll Palestína er hernumin frá 1948). Hún sagði í einu viðtali að sameiginlegur andstæðingur mannkyns væri kerfið sem hefur gert þjóðarmorðið í Palestínu að veruleika. Það var klippt til og látið líta svo út að hún hefði sagt að Ísrael væri sameiginlegur andstæðingur mannkyns. Í kjölfarið lýstu ráðherrar í Þýskalandi, Frakklandi, Austurríki og Ítalíu fordæmingu á henni vegna þeirra orða. Nú er ég persónulega ekki ósammála því að Ísrael sé andstæðingur mannkyns og mennskunnar í heild, en það er ekki það sem hún sagði. Viðbrögðin sýna hins vegar að orðræða valdastjórnmála er ennþá þarna, eftir meira en tvö ár af linnulausu þjóðarmorði: að grípa hvert tækifæri til að staðfesta að við (valdakjarninn, vesturlöndin) stöndum með þjóðarmorðinu alla leið.[4]
Þetta eru bara 2-3 dagar sem sýna hvílík orka fer í að berja niður sannleikann hér í hinum frjálslyndu vesturlöndum.
Heimildir:
- CPJ scrapped “Impunity Index” to shield Israel, whistleblowers say – The Electronic Intifada, 12. febrúar 2026.
- Arundhati Roy pulls out of Berlinale over ‘jaw-dropping’ stance on Gaza – Middle East Eye, 13. febrúar 2026.
- Leaked Data Reveals Massive Israeli Campaign to Remove Pro-Palestine Posts on Facebook and Instagram – Drop Site News, 11. apríl 2025.
- French foreign minister faces criminal complaint over misquoting Francesca Albanese – Middle East Eye, 13. febrúar 2026.
Þöggunartilburðir vestrænna ráðamanna vegna þjóðarmorðsins á Gaza
Fjölmargar atlögur að heiðri og trúverðugleika Francesca Albanese Sérstökum skýrslugjafa Sameinuðu þjóðanna á hernumdum svæðum Palestínu hafa verið gerðar undanfarin misseri ekki síst vegna nýlegra skýrslna hennar um þjóðarmorðið á Gaza, ásamt nýlendukúgun og aðskilnaðarstefnu síonista í Palestínu undanfarna áratugi.
Heimildir:
- US sanctions UN expert Francesca Albanese over Israel criticism – Al Jazeera, 9. júlí 2025.
- USA: Sanctions against UN Special Rapporteur Francesca Albanese a disgraceful affront to international justice – Amnesty International, 9. júlí 2025.
- UN official refuses calls to resign, denounces states’ silence over genocide in Palestine – Middle East Monitor, 13. febrúar 2026.