Slík samlíking er við hæfi, vegna vísana ísraelskra ráðamanna til helfara nasista til að réttlæta árásarstefnu sína gagnvart palestínsku þjóðinni. Ísraelsstjórn skákar í þessu skjóli og notfærir sér hve hendur Evrópu eru bundnar sögulega vegna helfararinnar.
Hvers vegna réðust Ísraelar inní Gaza?
Ríkisstjórn Ísraels segir árásir sínar á Gaza vera vegna Qassan flauga árása Hamasliða. Ísraelar rufu vopnahléið með ástæðulausum árásum 4.nóvember síðastliðinn, meðan forsetkosningarnar fóru fram í Bandaríkjunum. Hamasliðar svöruðu í sjálfsvörn, sem alþjóðalög leyfa, samkvæmt 51.grein Sameinuðu þjóðana.
Staðreyndin er sú að flaugar Hamasliða hafa grandað einum Ísraela að meðaltali á ári undanfarin 10 ár. Líklegt er að Kadímaflokkurinn styrki stöðu sína með árásunum. Mjög alvarlegt er ef ríkisstjórn er tilbúin til slíkra aðgerða einungis í atkvæðasmölun. Ljóst er að hernaðurinn gegn Gaza hefur verið í áætlun undir heitinu „Cast Lead“.
Aðgerðaráætlunin „Cast Lead“ og gaslindir undan ströndum Gaza
Undirbúningurinn að „Cast Lead“, hófst í júní 2008, eða fyrr, þrátt fyrir samningaviðræður um vopnahlé við Hamas. Undanfari voru fundir leyniþjónustu Ísraels, sjónrænar blekkingar og misvísandi upplýsingar, sem áttu að koma Hamas í opna skjöldu og auka mannfall þeirra.
Árið 2000 uppgötvuðust miklar gaslindir undan Gazaströnd.
Samningur var gerður um gasvinnslu milli breska fyrirtækisins BG Group og palestínskra yfirvalda. En dauði Yassirs Arafats, kosningasigur Hamas og hrun stjórnar Palestínu veikti stöðu hennar varðandi eignarhald á gaslindunum, þrátt fyrir löglegt tilkall til þeirra. Þáverandi forsætisráðherra, Tony Blair, hafði afskipti af mállinu fyrir hönd Ísraels. Staðreyndin er að samningaviðræður voru milli Ísraels og BG í október 2008, 2-3 mánuðum fyrir innrásina.
Ögrun við Íran
Ef til vill eru árásirnar á Gaza leið Ísraels og bakhjarls þeirra, Bandaríkjanna og Bretlands, að ögra Írönum, sem styður Hamas. Kannske eru það viðbrögðin sem Ísrael þráir til að réttlæta stríð gegn Íran. Stríð sem hefur verið á teikniborðinu hjá Ísrael og nýíhaldsöflum í Bandaríkjunum í fleiri ár. En Íran lætur ekki lokka sig í gildruna. Þar að auki er líklegt að þjóðernishreinsunin gegn Palestínumönnum valdi Ísraelum svo miklum álitshnekki að breyta muni viðhorfum, jafnvel í Evrópu og í Bandaríkjunum. Það gæti orðið til að endurmeta átökin og skapa möguleika á raunverulegri lausn.
Brýnt er fyrir alla að komast í gegnum þær blekkingar sem haldið er að okkur, að Hamas viðurkenni ekki Ísrael. Hamas viðurkennir Ísrael með þeim skilyrðum að Ísrael viðurkenni Palestínu. Þeir eru tilbúnir að viðurkenna Ísrael samkvæmt landamærunum fyrir 6 daga stríðið 1967 og að hernumdu svæðin verði sett undir alþjóðalög. PLO, undir stjórn Yassirs Arafats samþykkti tveggja ríkja lausn þegar árið 1988, sem fólst í því að Palestínumenn voru tilbúnir að sætta sig einungis við 22% þess lands sem tilheyrði þeim fyrir stofnun Ísraelsríkis 1948, sem er vísbending um mikið langlundargeð og einlægan friðarvilja.
Þessu eyðingastríði verður að linna
Þegar þetta er skrifað hafa 1070 Palestínumenn fallið, þar af hátt í 700 óbreyttir borgarar. Fosfórsprengjum var skotið að höfuðstöðvum flóttamannastofnunar SÞ. Börn eru stór hluti fallinna og særðra. Læknar og hjúkrunarfólk staðfesta nýtt vopn sem notað hefur verið í þessum hernaði, DIAM, sem átti að minnka mannfall en hefur hins vegar hrikalegar afleiðingar á svo þéttbýlu svæði sem Gaza. Þetta er nýtt bandaríkst vopn með tungsten málmi sem verður að púðri og tætir allt á 10m radíus.
Tungsten duftið fer inní líkama fólks og tætir útlimi af, eyðileggur æðakerfi og líffæri og veldur krappameini. Sumum fórnarlömbum þessa nýja vopns er því ekki hægt að hjálpa. Er mögulegt að íbúar Gaza séu „tilraunadýr“ fyrir þetta nýja vopn?
Í Sjónvarpsfréttum 8. janúar síðastliðinn varpaði ritsjtórinn A.B. Atwan fram eftirfarandi spurningu: „Þessi kynslóð barna, hvernig bregst hún við þessari reynslu? Annað hvort hefur áfallið þau áhrif að þau glíma við sálræna erfiðleika í þvílíkum mæli að kalla mætti fötlun eða þá að þessi börn verða mjög róttæk þegar þau vaxa úr grasi. Þetta gæti orðið næsta kynslóð sjálfsvígssprengjumanna.“
Þessu þjóðarmorði verður að linna. Það verður að stöðva þetta með valdi. Stjórn Ísraels er ekki treystandi, þeir hafa ekki sýnt neinn friðarvilja.
Tvær vísanir:
- War and Natural Gas: The Israeli Invasion and Gaza’s Offshore Gas Fields
- “Justified Vengeance” and the History of Israeli “False Flags” (2001-2024): Palestine Portrayed as “The Aggressor”
Greinin birtist áður í Morgunblaðinu 24. janúar 2009.
