Sinnuleysi virðist ríkja í alþjóðasamfélaginu gagnvart ástandinu í Palestínu. Konur, börn og gamalmenni búa þar við stöðuga ógn. Ástandið batnar ekki. Á meðan athygli okkar beinist að Úkraínu hefur hernám Ísraels í Palestínu orðið sérstaklega ofbeldisfullt. Ísrael hernemur Vesturbakkann, Gaza og Austur-Jerúsalem.
Vesturbakkinn og Austur-Jerúsalem eru aðskilin frá Gaza af Ísrael. Gazasvæðið er í raun fangelsi; fólk býr þar við umsátur Ísraelshers. Íbúar Gaza eru flestir afkomendur þeirra sem flúðu þjóðernishreinsanir Ísraels hér fyrr á árum. Þó að því sé haldið fram að Hamas stjórnmálaflokkurinn stjórni Gaza-svæðinu þá eru þeir með mjög takmörkuð völd. Það er Ísraelsríki sem stjórnar flæði fólks og varnings, stýrir lofthelgi, aðkomu frá sjó og öllu landamæraeftirliti. Hamas yfirvöld svæðisins hafa ákaflega litla stjórn og ábyrgð miðað við hvað er eðlilegt fyrir stjórnvöld annars staðar. Qassam herdeildirnar eru hernaðarvængur Hamas sem berst gegn hernáminu.
Ísraelsher ræðst á Gaza svæðið með herþotum, skriðdrekar eru einnig notaðir sem og stórskotalið til að ráðast á Gazaströndina úr mikilli fjarlægð.
Stöðug herkví Ísraels
Algeng málsvörn Ísraelshers fyrir að ráðast á mannvirki með óbreyttum borgurum er að óbreyttir borgarar fái viðvaranir. Fyrir þá sem eru ekki í þeirra stöðu er erfitt að ímynda sér af hverju þau koma sér ekki bara í burtu. Ég mun útskýra af hverju.
Ísraelsher dreifir seðlum með viðvörunum yfir svæði sem ætla að ráðast á. Stundum varpar hann smærri sprengjum sem viðvörun, t.d. á þök íbúðarhúsa og gefa fólki nokkrar mínútur áður en hann hefur stærri árás sem jafnar bygginguna við jörðu.
Það eru til óteljandi dæmi um að Ísraelsher ráðist viljandi á óbreytta borgara án þess að vara þá við og án þess að það hafi verið neinn bardagamaður í nánd. Ennfremur eru mörg dæmi þess að Ísraelsher geri árásir á íbúðarhús á nóttunni, þegar fólk er sofandi, og það getur verið erfitt fyrir íbúa að vita hvort sprengjan sem lenti á þakinu á byggingunni þar sem það́ er, eða öðru íbúðarhúsi, hvort sú sprengja áttí bara að vera til viðvörunar eða til að drepa eða særa fólk.
Heimili fólks eru síðasta vígi þess
Ástæðan er sú að ef fólk missir heimili sín, hefur það enga möguleika á að lifa af. Það veit að án heimila sińna mun það svelta eða jafnvel deyja úr kulda á berangri. Fólk yfirgefur því ekki heimili sín, þrátt fyrir viðvaranir frá Ísraelsher, í von um að Ísraelsher muni hætta við árásirnar ef hermennirnir vita Hamas um dauðsföll er að segja að eldflaugarnar sem þeir nota til að ráðast á Ísrael séu ófullkomnar og eigi til að lenda á Gaza svæðinu. Slík slys eru sjaldgæf og fer fækkandi með fullkomnari teikningum af eldflaugum sem andspyrnuhóparnir á Gaza hafa yfir að ráða.
Ísraelsher myrðir börn
Ofbeldi Ísraels gagnvart Palestínu hefur ekki minnkað þegar athygli heimsins hefur aðallega beinst að stríðinu í Úkraínu. Bara á þessu ári hefur Ísraelsher drepið u.þ.b. 40 palestínsk börn. Sautján þeirra voru drepin á Gaza frá 5.–7. ágúst þegar Ísrael réðst á svæðið. Ísrael hefur framið sérstaklega mannskæðar árásir á Vesturbakkanum og drepið fjölda óbreyttra borgara. Á Vesturbakkanum hafa að minnsta kosti tuttugu börn hafa verið drepin af hermönnum og landtökumönnum, sem búa í ólöglegum byggðum undir verndarvæng hersins. Þúsundir manna syrgðu sjö ára dreng á Vesturbakkanum nýlega. Drengurinn dó úr hjartastoppi þegar hermenn eltu hann. Þeir ásökuðu hann um að kasta steinum í hermenn. Læknarnir sögðu að líklegasta orsökin hafi verið streita og að hann hafi ekki verið veikur fyrir. Ættingjar drengsins sögðu að hann hafi verið skelfingu lostinn vegna hermannana. Í Austur-Jerusalem kafnaði palestínskt ungbarn þegar Ísraelska hernámsliðið varpaði táragasi.
En hvað með Hamas?
Þeir sem berjast gegn hernáminu er kallaðir hryðjuverkamenn, meira að segja ef þeir ráðast á hermenn og enga óbreytta borgara. Vestræn ríki hafa sent Úkraínu vopn og fjölmiðlar hafa stutt baráttu þeirra gegn innrásinni. Palestínumenn eru sífellt kallaðir „hryðjuverkamenn“, meira að segja þegar þeir ráðast á ísraelska hermenn og fá engan hernaðarstuðning frá sömu löndum sem fordæma innrás Rússlands. Af hverju hafa Úkraínumenn rétt á að berjast gegn hernámi en ekki Palestínumenn?
Yfirgnæfandi meirihluti þeirra sem eru drepnir í árásum Ísraela eru Palestínumenn. Þeir sem spyrja „Hvað með Hamas?“ eða leggja alla áhersluna á mannfall ísraelskra borgara eru ekki að gera neitt nema að réttlæta glæpi Ísraels, sem eru rótin að ástandinu og miklu verri en nokkuð sem nokkur Palestínumađur gæti hugsanlega gert. Ísrael heldur því fram að það sé að „verja sig“ en slík rök virka aðeins ef maður hefur engan skilning á ástandinu. Palestína er hernumin og Ísrael er hernámsveldið. Ísrael er kerfisbundið að þurrka út sögu, menningu og sérkenni Palestínubúa. Palestínumenn berjast gegn hernáminu, í örvæntingu sinni oft með ofbeldisfullum viðbrögðum gegn ofbeldinu sem þeir eru beittir. Það er hinsvegar kúgað fólk sem hefur rétt á að verja sig, kúgarinn hefur engin réttindi. En fólkið hefur einnig reynt að berjast fyrir rétti sínum með friðsamlegum aðferðum. Það stöðvar þó ekki Ísraelsríkið frá því að beita þá ofbeldi. Friðsamir aðgerðarsinnar eru dæmdir í fangelsi í Ísrael og blaðamenn, sem gagnrýna ríkið, eru myrtir, svo sem Shireen Abu Akleh sem var skotin til bana af leyniskyttu Ísraelshers.
Ert þú samsek(ur)?
Ísrael kemst upp með hvað sem er. Það verður þó stöðugt erfiðara að verja framgöngu Ísraelsríkis. Á hverjum degi verður Ísrael óvinsælla og samúð međ Palestínu vex. En raunveruleiki Palestínumanna er samt ekki að batna. Hættum að tala um hvað ástandið er „flókið“ eða hvernig „báðir hafa rangt fyrir sér“. Palestína er siðferðismál fyrir allan heiminn. Þeir sem stunda viðskipti við Ísrael, fara þangað í frí eða studdu Eurovision árið 2019 eru meðsekir í þessum glæpum að mínu mati.
Birtist fyrst í Frjáls Palestína.
