Árásum Ísrael og Bandaríkjanna á Íran fylgir dauði og eyðilegging. Sömu afleiðingar eru af árásum Ísrael á Íran, Líbanon, Írak. Þúsundir flýja.
Á sama tíma gerir Ísrael árásir á óbreytta borgara og börn Gasa. Það getur enginn flúið Gasa.
Ísrael hefti för fólks og vöruflutninga til og frá Gasa undir lok síðustu aldar. Árið 2007 herti Ísrael klærnar og setti algjöra hindrun á vöruflutninga og ferðir fólks inn og út af Gasaströndinni. Íbúar Gasa hafa búið við aðskilnaðarstefnu, í einangrun, við skert frelsi og takmörkuð bjargráð í 19 ár.
Í helför Ísrael á Gasa frá 2023 var óbreyttum borgurum þjappað saman með tilskipunum ísraelska hernámshersins á sífellt minni svæði. Fólkið var sprengt, skotið, grafið lifandi undir húsarústum, brennt lifandi og myrt hungurdauða.
Þau sem lifðu af búa núna í hriplekum tjöldum eða húsarústum. Ísköld vetrarrigningin hlífir engum. Allar eigur fólks; föt, dýnur og matur verður gegnsósa af rigningu og leðju.
Í upphafi árása Ísrael á Íran lokuðu þeir landamærunum inn á Gasa. Lítið af mat berst á svæðið. Lítil sem engin hjálpargögn önnur. Engin læknisaðstoð. Aðkoma mannúðarsamtaka er bönnuð.
Fólkið á Gasa er brotið. Vannært, slasað og veikt. Neysluvatn er mengað og pestir herja á fólkið. Fullorðnir, veikir og börn verða verst úti.
Fréttaflutningur frá stríðsglæpum ísraela á Gasa og lífsskilyrðum fólksins er lítill sem enginn. Fólkið óttast aðra hungursneyð og annað tortímingarstríð. Það óttast að heimurinn gleymi Gasa.
Við biðjum ykkur að gleyma ekki fólkinu og börnunum á Gasa og minnum á Vonarbrú.
Vonarbrú er almannaheillafélag sem styður og styrkir yfir 70 barnafjölskyldur á Gasa. Í fjölskyldunum eru samtals yfir 200 börn.
Allar fjölskyldur á Gasa sem Vonarbrú styrkir er sannreynt fólk. Fólk sem við höfum verið í samtölum og myndsímtölum við í vel yfir annað ár. Við höfum nákvæma staðsetningu fólksins okkar með aðstoð GPS.
Stofnun félagsins fól í sér umfangsmikið ferli samkvæmt lögum, fyrir t.d. banka og skattinn, sem fólst í sannprófun allra gagna, s.s. skírteina, reikninga o.fl.
Við sem vinnum með Vonarbrú erum í stöðugum samskiptum við fólkið okkar og veitum allan þann andlega og fjárhagslega stuðning sem við getum. Hver einasta króna sem við söfnum fer beint til fólksins.
Öll vinna félagsins er sjálfboðavinna. Það er engin yfirbygging.
Gerist félagar í Vonarbrú, styrkið félagið og bjargið mannslífum
Með því að gerast félagar í Vonarbrú og styrkja félagið, bjargið þið mannslífum. Við hvetjum ykkur til að lesa ykkur til um félagið hér: www.vonarbru.is Reikningsupplýsingar eru hér: Kt. 420625-1700, reikn. 0565-26-006379, Aur @Vonarbru
Á myndunum sjáið þið örfá þeirra yfir 200 barna sem Vonarbrú styrkir 
Birtist á Facebook síðu höfundar.