Í þessari áhugaverðu grein er rætt hvernig BBC fjallaði um morð Ísraels á Hind Rajab og þeim sjúkraflutningamönnum sem reyndu að bjarga henni og um það hvernig PBS í Bandaríkjunum fjallaði um sjálfsíkveikju Arons Bushnell í mótmælaskyni við þjóðarmorðið í Palestínu.
Greiningin sýnir fram á það sem blasir við öllum, að BBC talaði kringum hlutina, dró úr glæpnum, greindi ekki frá því hver drap Hind, og hætti sinni umfjöllun áður en betur komu í ljós sönnunargögn um það hvað gerðist.
Umfjöllunin um sjálfsíkveikju Arons í Bandaríkjunum einkenndist af því að aldrei var minnst á ástæðurnar – sem hann sjálfur hafði skýrt ítarlega frá á sínum samfélagsmiðlum – heldur var eingöngu rætt um hann sem persónu í vanda og sem dæmi um exótíska mótmælahefð.
Mér datt í hug að kanna málið á vef RÚV. Það er ómögulegt að vita hvort eitthvað var sagt í útvarps- eða sjónvarpsfréttum en það eina sem liggur eftir er vefurinn. Þrátt fyrir leit eftir öllum leiðum sem völ er á fann ég ekki neitt um Hind á vef RÚV. Hvernig þýðum við „propaganda by omission“? „Áróður með því að sleppa upplýsingum“?
Birtist fyrst á Facebook.
