Ísrael heldur áfram að fremja menntamorð á Gazaströndinni, 28 mánuðum eftir upphaf hernaðarárása þess sem kerfisbundið og með ásetningi stefndi að því að koma í veg fyrir að íbúar geti endurreist menntakerfið. Meira en 780.000 nemendur hafa verið sviptir reglulegri menntun á þremur skólaárum.
Þessi stefna felur í sér áframhaldandi herkví, þar sem skotmörkin eru borgaralegir staðir, þar á meðal menntastofnanir, með sprengjuárásum og eyðileggingu, að koma í veg fyrir enduruppbyggingu og að hindra innflutning efnis, búnaðar og rekstrarauðlinda sem nauðsynleg eru til að endurbyggja og reka skóla og háskóla. Fyrir vikið eru hundruð þúsunda nemenda enn útilokaðir frá formlegri menntun.
Þetta mynstur sýnir að þessar árásir eru ekki tilviljunarkennt tjón á menntakerfi heldur menntamorð, sem framin eru sem hluti af þjóðarmorði Ísraels gegn Palestínumönnum.
Börnin á Gazaströndinni eru sá hópur sem hefur orðið fyrir mestum áhrifum í yfirstandandi þjóðarmorði. Þjáningar þeirra ná lengra en morð og líkamsmeiðsl þar sem þær ná einnig til eyðileggingar á aðstæðum á núverandi lífi þeirra og til framtíðar, þar á meðal missi fjölskyldumeðlima, umönnunar og verndar; endurteknum nauðungarflutningum; skorti á öryggi, mat, vatni og heilbrigðisþjónustu; og alvarlegri hnignun á geðheilsu vegna stöðugra sprengjuárása, ótta og missis. Þau eru einnig svipt leikjum, öruggum rýmum og félagslegum stöðugleika.
- Í árásum Ísraelshers hafa 18.911 nemendur og 1.362 háskólanemar verið drepnir, en 2.931 háskólanemar særðir. Þar að auki létust 794 kennarar og 246 háskólakennarar, og að auki hafa 3.261 kennarar verið særðir og aðrir 1.491 særðir.
- Árásir Ísraelshers hafa valdið hörmulegu og fordæmalausu tjóni í menntageiranum, sem hefur haft áhrif á líf, innviði og menntaumhverfið. Þetta gerist í samhengi menntamorðs sem er árás á bæði einstaklinga og stofnanir.
- Í árásunum urðu 668 skólabyggingar sprengdar, 179 algerlega eyðilagðar og 118 illa skemmdar; 100 skólar hjá UNRWA voru sprengdir. Að minnsta kosti 63 háskólabyggingar algerlega eyðilagðar og aðrar stofnanir skemmdust illa. Alls urðu 95% skóla fyrir skemmdum á byggingum og yfir 90% þurftu á fullri enduruppbyggingu að halda.
Menntamorð eru lykilverkfæri í þessum árásum, sem útilokar börn frá formlegri menntun á mikilvægustu árum þeirra, skapar djúpstæð þekkingargöt, eykur hættuna á brottfalli úr skóla, barnaþrælkun og snemmbúnum hjónaböndum og grefur undan getu þeirra til að ná sér eftir styrjöld og endurbyggja líf sitt, og ógnar heilli kynslóð sem er svipt heilbrigðum vexti, reisn og tækifærum.
Áframhald á þessum veruleika barnanna er gróft brot á réttinum til menntunar og festir langtímaáhrif á félagslega, efnahagslega og menningarlega uppbyggingu Gaza-svæðisins. Euro-Med Monitor leggur áherslu á að brýnar alþjóðlegar aðgerðir séu nauðsynlegar til að binda enda á menntamorð, vernda skóla og háskóla sem örugga staði fyrir nám og líf og standa vörð um réttindi barna á Gaza, þar á meðal réttinn til lífs, öryggis, umönnunar, heilsu, menntunar og heilbrigðrar þroska, sem eru laus við morð, meiðsli, landflótta og kerfisbundna sviptingu bernsku.
Úrdráttur, í lauslegri þýðingu, úr grein Euro-Med Monitor um áframhaldandi menntamorð á Gaza.