Eyad El-Sarraj geðlæknir á Gaza-svæðinu var fremstur meðal jafningja í mannréttindabaráttu, fyrir þjónustu við geðsjúka og í rannsóknum á afleiðingum hernámsins á andlegt ástand íbúa Gaza-svæðisins og sérstaklega á börnin.
Dr. Eyad hafði reynt það að sitja bæði í ísraelskum og palestínskum fangelsum fyrir skoðanir sínar og á hinn bóginn var hann heiðraður al þjóðlega fyrir framlag til mannréttindamála. Eyad Sarraj var einn ástsælasti leiðtogi palestínsku þjóðarinnar átti, sem naut mikillar viðingar jafnt innanlands sem utan.
Dr. Eyad hafði reynt það að sitja bæði í ísraelskum og palestínskum fangelsum fyrir skoðanir sínar og á hinn bóginn var hann heiðraður al þjóðlega fyrir framlag til mannréttindamála. Eyad Sarraj var einn ástsælasti leiðtogi palestínsku þjóðarinnar átti, sem naut mikillar viðingar jafnt innanlands sem utan.
Ég hitti dr. Eyad í fyrstu heimsókn minni til Gaza árið 1990 og mér hlotnaðist að eiga með honum góða stund á heimili hans aðeins 2–3 vikum áður en hann dó. Í öll skiptin sem ég kom til Gaza þess á milli hitti ég Eyad iðulega. Hann var yndislegur maður, hlýr og lét sér annt um fólk í smáu og stóru. Á gamlársdag 2010 var fjölskylda mín öll með Eyad og hans fólki. Á heldur kuldalegum hvassviðrisdegi bauð hann okkur til ógleymanlegrar og ríklegrar fiskmáltíðar í skýli á ströndinni sem var hans uppáhaldsstaður. Eyad var töfrandi leiðtogi sem hvatti samstarfsfólk til dáða svo hundruðum og þúsundum skipti og fólk kom víða að utan úr heimi til að eiga með honum fundi og ráðstefnur um geðheilbrigðismál og mannréttindi.
Dr. Eyad var stofnandi og forseti Geðhjálparsamtakanna, Gaza Community Mental Health Programme, sem er með feiknarlega umfangsmikið hjálparstarf á Gaza, fræðslu og meðferð, sem nýtur viðurkenningar um heim allan.
Dr. Eyad stofnaði eina geðsjúkrahúsið sem starfandi er á Gaza. Það er merkilega lítið að vöxtum, aðeins 20 rúm, 10 fyrir hvort kyn og virðist duga vel. Þau skipti sem ég hef heimsótt hafa rúmin ekki verið fullskipuð. Ástæðan er sú að frá upphafi hefur verið byggt á svæðabundinni þjónustu göngudeilda og heimaþjónustu og eru sjö geðheilsuverndarstöðvar starfandi á Gazasvæðinu.
Dr. Eyad lést af völdum eitlakrabba meins sem hann hafði barist við árum saman. Skarð hans verður vandfyllt, en hugsjónir hans munu lifa í þeirri hreyfingu sem hann kom af stað. Ég sakna vinar í stað og votta fjölskyldu hans og þjóð samúð.
Birtist fyrst í Frjáls Palestína.
