Dagurinn í dag er ógnarsár öllum þeim sem þjást á Gasa, eftir tvö ár af óslitnum kvalalosta heilaþveginna síonista. Varla er til sú fjölskylda sem ekki syrgir nána ástvini eða ættingja.
Sagan er löng, 200 ár síðan kviknuðu hugmyndir um að koma Gyðingum fyrir í Palestínu, hátt í 150 ár síðan síonisminn varð til sem ofstækishugmynd um útvalningu og heilagan rétt, rúm 100 ár síðan Bretar fóru að ráðskast með Palestínu og rýma til fyrir síonistum sem sóttust eftir landi þar, 77 ár frá Nakba, hörmungunum sem marka upphaf þjóðarmorðs, og tvö ár síðan Satanjahú greip fegins hendi tækifæri og afsökun til að reka endahnút þar á. Hundruð þúsunda hafa verið hrakin frá heimilum sínum og tugir þúsunda myrt fyrir morðæðið sem nú stendur yfir.
Þjóðernishreinsunarátak síonista hefur verið dyggilega stutt af Vesturlöndum allar götur frá Nakba og svo er enn. Við getum leyft okkur að vona að samið verði um frið á næstu dögum, til að binda endi á blóðbaðið og verstu þjáningarnar. Það má þó alls ekki verða á forsendum vestrænnar nýlendukúgunar. Þess vegna er svo mikilvægt að við höldum öll vöku okkar, leggjum af mörkum til þeirrar stuðningsbylgju sem nú gengur nánast yfir heim allan. Við getum haldið áfram að hrópa hátt, mótmæla, sniðganga og þrýsta á stjórnmálamenn.
Og hugsum nú til fólksins á Gasa. Þau eru ekki einungis í sorg eftir ástvini og limlest á allan hugsanlegan hátt. Þau eru á flótta, fjöldi er húsnæðislaus og á götunni. Þau er fjölmörg matarlaus og þjást af langvarandi næringarskorti. Síendurtekinn flótti, ótti og óvissa hafa kvalið þau í tvö ár. Næringarskorturinn veldur því að ónæmiskerfi bresta og fjöldi fólks, einkum konur, búa við mjög bágborið heilsufar.
Fjöldi fólks styður við vini sína á Gasa og almannaheillafélagið Vonarbrú stendur fyrir víðtækum stuðningi við hátt í 100 fjölskyldur. Leggjum lið!
Í morgun sendi mín kæra Reham Khaled mér meðfylgjandi ljóð ástsæla skáldsins Mahmoud Darwish í enskri þýðingu.
Think of Others
As you prepare your breakfast, think of others
(do not forget the pigeon’s food).
As you wage your wars, think of others
(do not forget those who seek peace).
As you pay your water bill, think of others
(those who are nursed by clouds).
As you return home, to your home, think of others
(do not forget the people of the camps).
As you sleep and count the stars, think of others
(those who have nowhere to sleep).
As you liberate yourself in metaphor, think of others
(those who have lost the right to speak).
As you think of others far away, think of yourself
(say: “If only I were a candle in the dark”).
DEILIST GJARNAN, helst með ábendingum um baráttuleiðir!
Birtist fyrst á Facebook síðu höfundar.
